កាលពីពេលថ្មីៗនេះក្រុមហ៊ុន ហ្វ័រវើដ ខេម បានទទួលការអនុញ្ញាតដ៏ខ្ពង់ខ្ពស់ពីព្រះនាង នរោត្តម ជេនណា ក្នុងការចូលរួមសហការលើកកម្ពស់វិស័យកសិកម្ម និងជីវភាពរបស់ប្រជាកសិករកម្ពុជា។ ការណ៍នេះបានធ្វើឱ្យព្រះនាង នរោត្តម ជេនណា ក្លាយជាទូតសុឆន្ទៈរបស់ក្រុមហ៊ុន ហ្វ័រវើដ ខេម ដែលជាក្រុមហ៊ុននាំចូល និងចែកចាយថ្នាំកសិកម្មឈានមុខគេនៅកម្ពុជា​ ដោយគ្រប់ផលិតផលសុទ្ធតែមានគុណភាពខ្ពស់ស្របតាមស្ដង់ដារដែលបានកំណត់ដោយក្រសួងកសិកម្ម រុក្ខាប្រមាញ់ និងនេសាទ។

នៅក្នុងពិធីចុះហត្ថលេខាលើកិច្ចព្រមព្រៀងទូតសុឆន្ទៈរបស់ក្រុមហ៊ុន ហ្វ័រវើដ ខេម មានការយាងចូលរួមនូវវត្តមានដ៏ខ្ពង់ខ្ពស់របស់ព្រះនាងតូច​ នរោត្តម ជេនណា និង លោក យ៉េន ហុងតៃ អគ្គនាយក និងជាប្រធាននាយកប្រតិបត្តិក្រុមហ៊ុន ហ្វ័រវើដ ខេម ព្រមទាំងថ្នាក់ដឹកនាំជាន់ខ្ពស់របស់ក្រុមហ៊ុនជាច្រើនរូបទៀត។

គោលបំណងនៃកិច្ចសហការនេះគឺដើម្បីលើកកម្ពស់វិស័យកសិកម្ម និងផ្ដល់ជូនប្រជាកសិករយើងនូវចំណេះដឹង និងផលិតផលថ្នាំកសិកម្មដែលមានគុណភាព និងប្រសិទ្ធភាពខ្ពស់។ កន្លងមកក្រុមហ៊ុន ហ្វ័រវើដ ខេម បានខិតខំប្រឹងប្រែងផ្ដល់ចំណេះដឹងផ្នែកកសិកម្មតាមរយៈរូបភាពផ្សេងៗដូចជា កិច្ចប្រជុំកសិករ ការបាញ់បង្ហាញផលិតផលលើស្រែផ្ទាល់របស់កសិករ ការប្រឹក្សាយោបល់លើដំណាំដាំដុះ និងការផ្សព្វផ្សាយតាមបណ្តាញសង្គម។

ផលិតផលហ្វ័រវើដ ជាទំនុកចិត្តរបស់ប្រជាកសិករ និងដើម្បីកសិករ។

ប្រវត្តិសង្ខេប៖ ក្រុមហ៊ុន ហ្វ័រវើដ ខេម

ហ្វ័រវើដ ខេម គឺជាក្រុមហ៊ុននាំចូល និងចែកចាយផលិតផលកសិកម្មដែលមានគុណភាពខ្ពស់ក្នុងប្រទេសកម្ពុជា រួមមានថ្នាំសំលាប់ស្មៅ ថ្នាំសម្លាប់សត្វល្អិត ថ្នាំសម្លាប់ផ្សិត ថ្នាំការពារ ព្យាបាល ជម្រុញការលូតលាស់រុក្ខជាតិ និងជី។ យើងពិតជាមានមោទនភាពណាស់ដែលជាផ្នែកមួយនៃក្រុមហ៊ុន ហ្វ័រវើដ អ៊ីនធើណេសិនណល ដែលជាក្រុមហ៊ុនឈានមុខគេលើពិភពលោកនៅក្នុងវិស័យកសិកម្មមានបទពិសោធន៍ និងប្រតិបត្តិការជាង 40 ឆ្នាំ និងមានសាខាជាង 20 ប្រទេស។

សម្រាប់ ហ្វ័រវើដ អ៊ីនធើណេសិនណល យើងប្តេជ្ញាចិត្តផ្តល់ជូននូវផលិតផលដែលមានគុណភាពខ្ពស់បំផុត។ ក្នុងឆ្នាំ 2012 យើងបានបង្កើតក្រុមហ៊ុន ហ្វ័រវើដ ខេ​ម ឡើងដើម្បីផ្គត់ផ្គង់តម្រូវការដែលកំពុងកើនឡើងរបស់កសិករកម្ពុជា។ គោលដៅរបស់យើងគឺផ្តល់មិនត្រឹមតែផលិតផលដែលមានគុណភាពខ្ពស់ប៉ុណ្ណោះទេ ថែមទាំងផ្ដល់ជំនួយបច្ចេកទេសសំខាន់ៗដើម្បីជួយកសិករបង្កើនប្រសិទ្ធភាពទិន្នផល និងការពារដំណាំរបស់ពួកគេ។ ក្រុមអ្នកជំនាញកសិកម្មរបស់យើងបានប្តេជ្ញាចិត្តជួយដល់កសិករជាមួយនឹងចំណេះដឹង និងវិធីសាស្រ្តដែលពួកគេត្រូវការសម្រាប់ការដាំដុះ។