ក្រុមហ៊ុនយក្សរបស់ជប៉ុន Aoen Mall​ គ្រោងបោះទុនលុយប្រមាណ២ ពាន់លានដុល្លារ ពង្រីកសាខា២០​កន្លែងទៀតនៅប្រទេសវៀតណាម ហើយគ្រោងនិងពង្រីកការនាំចូលទំនិញវៀតណាមសម្រាប់ចែកចាយនៅក្នុងប្រទេសជប៉ុន។ នេះបើយោងតាមការចុះផ្សាយរបស់សារព័ត៌មាន VN Expres កាលពីថ្ងៃ ២០ ខែឧសភា ឆ្នាំ២០២៣ កន្លងទៅនេះ។ 

ប្រភពខាងលើបានឱ្យដឹងថា វៀតណាមគឺជាគោលដៅវិនិយោគដ៏ធំបំផុតសម្រាប់ AEON ទូទាំងពិភពលោក ខណៈបច្ចុប្បន្ន ផ្សារ​ទំនើប AEON មាន​ចំនួន ៦​កន្លែងហើយនៅប្រទេសវៀតណាម  រួមមាន៖ ​ទីក្រុង​ហូជីមិញ, ហាណូយ, ហៃផុង និង​នៅខេត្តភាគខាងត្បូង ប៊ីញឌួង ។ ក្រុមហ៊ុន​ផ្សារ​ AEON មានផែនការ​ពង្រីក​ផ្សារ​របស់​ខ្លួន​ឱ្យបានដល់ ២០កន្លែងទៀត នៅទូទាំង​ប្រទេស​វៀតណាម ត្រឹម​ឆ្នាំ​២០២៥ ជាមួយនឹងទុនវិនិយោគ​សរុប​ ២ពាន់លានដុល្លារ។​

ក្នុងនោះលោក Pham Minh Chinh នាយករដ្ឋមន្រ្តី វៀតណាម ក៏បានស្នើរឱ្យ ក្រុមហ៊ុន AEON នាំយកទំនិញវៀតណាមកាន់តែច្រើនទៅកាន់ខ្សែសង្វាក់ផ្គត់ផ្គង់ពិភពលោកផងដែរ ជាពិសេសទំនិញរបស់វៀតណាមមានដូចជា សម្លៀកបំពាក់ ស្បែកជើង ជលផល និងផលិតផលកសិកម្ម ជាដើម។

គួរបញ្ជាក់ផងដែរថា បច្ចុប្បន្នប្រទេសវៀតណាមគឺជាប្រភពចំណូលធំជាងគេរបស់ AEON ដែលមានទឹកប្រាក់ជាង ១.១៨ ពាន់លានដុល្លារអាមេរិក៕​

អត្ថបទដោយ៖​​ ឌឿក ស្រីនុត