ការគ្រប់គ្រងមនុស្សជាការងារលំបាក បើជាថ្នាក់គ្រប់គ្រងរំពឹងទុកការងារស្រពិចស្រពិល លទ្ធផលចេញមកក៏មិនច្បាស់លាស់ដែរ។ តាមរយៈប្រធានបទនេះដែរ អ្នកស្រី Christna Y. Cruzvergara ប្រធានផ្នែកយុទ្ធសាស្ត្រអប់រំនៅ Handshake បានចែករំលែកលើ Forbes អំពីភាពជាអ្នកគ្រប់គ្រងនិងសំណួរ៣ដែលគាត់ដាក់គោលដៅ សួរញឹកញាប់ជាងគេទៅកាន់ក្រុមការងាររបស់គាត់ មុនចាប់ផ្តើមប្រជុំ។
ដើម្បីឱ្យការងារមានភាពច្បាស់លាស់ បង្កើនផលិតភាពខ្ពស់ និងលទ្ធផលល្អ សំណួរសាមញ៣ ដែលអ្នកស្រី បានប្រើជាប្រចាំក្នុងការសួរទៅកាន់បុគ្គលិក មុនពេលចាប់ផ្តើមការប្រជុំនោះគឺ៖
១.តើអ្វីដែលបុគ្គលិកត្រូវការ និងរំពឹងចង់បានពីអ្នកគ្រប់គ្រង?
២.តើចូលចិត្តទទួលមតិរិះគន់ស្ថាបនាតាមបៀបណា ហើយចូលចិត្តឱ្យមានការទទួលស្គាល់តាមរបៀបណាពេលអ្នកធ្វើការបានល្អ?
៣.តើអ្វីជារឿងមួយដែលអ្នកកំពុងធ្វើ ដើម្បីក្លាយជាអ្នកអាជីពនៅក្នុងឆ្នាំនេះ ហើយតើអ្នកគ្រប់គ្រងអាចជួយអ្នកដោយរបៀបណា?
អ្នកស្រីក៏បានបញ្ជាក់ថាការផ្តល់ឱ្យនូវសំណួរច្បាស់លាស់មុនប្រជុំ ទៅកាន់បុគ្គលិកឆ្លើយគឺជាការផ្តល់ឱកាសឱ្យគេគិត មុនពេលជួបនិយាយតទល់មុខគ្នា ដេញដោលមតិទៅមក។ ថ្នាក់គ្រប់គ្រងមួយចំនួនយល់ថាសំណួរបែបនេះ ខ្ជះខ្ជាយពេលវេលា ប៉ុន្តែសំណួរសាមញ្ញទាំងនេះហើយដែលធ្វើឱ្យការងារច្បាស់ទៅមុខនិងមានភាពជោគជ័យរយៈពេលវែង។
យ៉ាងណាមិញនៅពេលចាប់ផ្តើមអាជីពការងារដំបូងអ្នកស្រី Christna ក៏បានប្រាប់ឱ្យដឹងដែរថាអ្នកគ្រប់គ្រងរបស់គាត់បានដឹកនាំឱ្យគាត់វង្វេងមើលមិនឃើញភាពច្បាស់លាស់លើការងារឡើយ។ ប៉ុន្តែក្រោយមកពេលដែលអ្នកស្រីបានក្លាយជាគ្រប់គ្រងគេវិញ និងជាបុគ្គលិកជាន់ខ្ពស់ម្នាក់ផងដែល មានសហការីរួមការងារជាង១០០នាក់ អ្នកស្រីយល់ដូច្នេះថាការ រៀបចំខ្លួនឱ្យត្រូវនឹងប្រភេទការងារ និងពង្រឹងសម្ព័ន្ធភាពទំនាក់ទំនងជាមួយក្រុមការងារគឺសំខាន់ជាងគេបំផុត ក្នុងតួនាទីនេះ៕
អត្ថបទដោយ៖ ពីង ជូអេង
