លោកស្រី Emmy Kan ជនជាតិហុងកុង គឺជាប្រធានក្រុមហ៊ុន Starbucks ប្រចាំនៅតំបន់អាស៊ី Emmy ដែលបានចាប់ផ្តើមធ្វើការនៅ Starbucks តាំងពីឆ្នាំ ២០០១។
ក្នុងនាមជាអ្នកដឹកនាំជាង២០ឆ្នាំមកនេះ លោកស្រីបានជួយបង្កើនការបោះជំហានរបស់ Starbucks ក្នុងតំបន់អាស៊ី ធ្វើឱ្យមានកើនឡើងស្មើដប់ដង ពីហាងចំនួន៣០០ ក្នុងទីផ្សារចំនួន៩ប្រទេស ឡើងដល់ជាង ៥០០០ ហាងនៅទីផ្សារ១៥ប្រទេស។
តាមប្រភពពីក្រុមហ៊ុន Starbucks បានឱ្យដឹងថាលោកស្រី Emmy Kan ទទួលបានបរិញ្ញាបត្រផ្នែកសេដ្ឋកិច្ចពីសាកលវិទ្យាល័យហុងកុង Starbucks លោកស្រីបានធ្វើការផ្នែកហិរញ្ញវត្ថុ ជាប្រធានផ្នែកអតិថិជន ដឹកនាំផលិតផលទីផ្សារ និងប្រតិបត្តិការ ហើយក៏ជាអ្នកផ្តួចផ្តើមឱ្យមានប្រព័ន្ធប្រតិបត្តិ ដ៏រឹងមាំសម្រាប់មុខងារហិរញ្ញវត្ថុ ធនធានដៃគូ សុវត្ថិភាព និងមុខងារបច្ចេកវិទ្យា សម្រាប់គ្រប់គ្រង Starbucks នៅក្នុងតំបន់អាស៊ីផងដែរ។
មុនពេលចូលរួមជាមួយ Starbucks លោកស្រី Emmy បានចាប់ផ្តើមអាជីពរបស់ខ្លួនជាអ្នក គ្រប់គ្រងហិរញ្ញវត្ថុនៅក្រុមហ៊ុន General Electric ហើយនាបច្ចុប្បន្ននេះលោកស្រីកំពុងរស់នៅក្នុងទីក្រុងហុងកុងជាមួយស្វាមី និងកូនប្រុស ហើយលោកស្រីមានចំណង់ចំណូលចិត្តខ្ពស់លើការចូលអាន និងស្តាប់តន្រ្តី។
គួរជម្រាបផងដែរថានៅក្រោមការដឹកនាំរបស់លោកស្រី Emmy បានលើកកម្ពស់និងពង្រឹងស្ត្រីនៅទូទាំង Starbucks ក្នុងតំបន់អាស៊ីប៉ាស៊ីហ្វិក ឱ្យសម្រេចបានជោគជ័យក្នុងតួនាទីជាអ្នកដឹកនាំ ដោយលោកស្រីបានធ្វើការតស៊ូមតិនិងដឹកនាំទៅរកការសម្រេចបាននូវភាព ស្មើគ្នារបស់ស្រ្តីនិងបុរសលើការអ្នកដឹកនាំទូទាំងក្រុមហ៊ុន ដែលនេះជាបេសសកម្ម មួយរបស់ Starbucks Group ប្តេជ្ញាសម្រេចឱ្យបានទាំងក្នុងតំបន់និងសកលលោក៕
អត្ថបទដោយ៖ ពីង ជូអេង