នៅឆ្នាំ២០១៦ អាយុ៣៥ឆ្នាំ Steve Adcock បានចូលនិវត្តន៍ជាមួយលុយ ៩០០,០០០ដុល្លារ និងមុនឆ្នាំ២០២១ លោកបានសម្រេចគោលដៅក្លាយជាសេដ្ឋីបង្កើតដោយខ្លួនឯងក្តាប់ទ្រព្យសម្បត្តិសុទ្ធចំនួន ១.៤លានដុល្លារ។ ខាងក្រោមគឺជាសៀវភៅទាំង៨ក្បាល ដែលជួយឲ្យលោកក្លាយជាអ្នកមាន ចូលនិវត្តន៍លឿន និងអាចរកនៅក្នុងជីវិតដ៏រីករាយ៖

១/. សៀវភៅចំណងជើង The Millionaire Next Door៖ សៀវភៅនេះនិយាយអំពីអាថ៌កំបាំងដ៏គួរឱ្យភ្ញាក់ផ្អើលនៃទ្រព្យសម្បត្តិរបស់អាមេរិក។ និពន្ធដោយលោកបណ្ឌិត Thomas Stanley បោះពុម្ភដំបូងក្នុងឆ្នាំ១៩៩៦។

២/. សៀវភៅចំណងជើង The Automatic Millionaire៖ សៀវភៅនេះនិយាយអំពីផែនការមួយជំហានដ៏មានអានុភាពដើម្បីរស់នៅ និងបញ្ចប់ភាពមានបាន។ និពន្ធដោយលោក David Bach បោះពុម្ភផ្សាយដំបូងក្នុងឆ្នាំ២០០៣។

៣/. សៀវភៅចំណងជើង Brain Makeover៖ សៀវភៅនេះនិយាយអំពីមគ្គុទ្ទេសក៍ប្រចាំសប្តាហ៍ឆ្ពោះទៅកាន់ជីវិតដែលកាន់តែមានសុភមង្គល សុខភាពល្អ និងសម្បូរបែបជាងមុន។ និពន្ធដោយអ្នកស្រី Phyllis Ginsberg បោះពុម្ភផ្សាយដំបូងក្នុងឆ្នាំ២០១៤។

៤/. សៀវភៅចំណងជើង Just Keep Buying៖ សៀវភៅនេះនិយាយអំពីវិធីដើម្បីសន្សំប្រាក់ និងកសាងទ្រព្យសម្បត្តិក្នុងនាមជាអ្នកវិនិយោគ។ និពន្ធដោយលោក Nick Maggiulli បោះពុម្ភផ្សាយដំបូងក្នុងឆ្នាំ២០២២។

៥/. សៀវភៅចំណងជើង I Will Teach You To Be Rich៖ សៀវភៅនេះនិយាយអំពីវិធីកសាងខ្លួនអ្នកឲ្យក្លាយជាមនុស្សលែងមានលេសដោះសារតទៅទៀត និងបណ្តុះផ្នត់គំនិតមានបានដោយប្រើកម្មវិធីរយៈពេល៦សប្តាហ៍។ និពន្ធដោយលោក Ramit Sethi បោះពុម្ភផ្សាយដំបូងក្នុងឆ្នាំ២០០៩។

៦/. សៀវភៅចំណងជើង Stop Overthinking៖ សៀវភៅនេះនិយាយអំពីបច្ចេកទេស២៣យ៉ាង ដើម្បីបំបាត់ភាពតានតឹង បញ្ឈប់គំនិតអវិជ្ជមាន ធ្វើឲ្យចិត្តស្ងប់ហើយផ្តោតលើបច្ចុប្បន្នភាព។ និពន្ធដោយលោក Nick Trenton បោះពុម្ភផ្សាយដំបូងក្នុងឆ្នាំ២០២១។

៧/. សៀវភៅចំណងជើង The Psychology of Money៖ សៀវភៅនេះនិយាយអំពីមេរៀនទ្រព្យសម្បត្តិរៀនមិនចេះចប់ ភាពលោភលន់ និងសុភមង្គល។ និពន្ធដោយលោក Morgan Housel បោះពុម្ភផ្សាយដំបូងក្នុងឆ្នាំ២០២0។

៨/. សៀវភៅចំណងជើង Your Money or Your Life៖ សៀវភៅនេះនិយាយអំពី ៩ជំហានដើម្បីផ្លាស់ប្តូរទំនាក់ទំនងរបស់អ្នកជាមួយនឹងលុយ និងការសម្រេចបាននូវឯករាជ្យភាពផ្នែកហិរញ្ញវត្ថុ។ និពន្ធដោយលោកស្រី Vicki Robin និងលោក Joe Dominguez បោះពុម្ភផ្សាយដំបូងក្នុងឆ្នាំ១៩៩២៕

អត្ថបទដោយ៖ កាន់ ដារ៉ា (ស្មេរពនេចរ) ម្ចាស់ស្នាដៃសៀវភៅ «ច្រវាក់ប្រាក់ខែ» (កសាងក្ដីស្រមៃនៅកន្លែងការងារ ចេះបង្កើតចំណូលច្រើនប្រភព) តម្លៃពិសេសត្រឹម ១២$ ប៉ុណ្ណោះ។ បញ្ជាទិញតាម    https://t.me/BusinessCambodiaBook