មុននេះបន្តិចធនាគារជាតិនៃកម្ពុជា ទើបតែចេញសេចក្ដីប្រកាសពី ប្រតិបត្តិការពាក់ព័ន្ធទ្រព្យសកម្មគ្រីបតូនៅកម្ពុជាក្នុងគោលបំណងផ្ដល់ជាដំណឹងដល់គ្រប់គ្រឹះស្ថានធនាគារពាណិជ្ជទាំងអស់នៅក្នុងស្រុកជ្រាបជាដំណឹង។

នៅក្នុងសេចក្ដីប្រកាសនេះដែរ​ ធនាគារជាតិនៃកម្ពុជាក៏បានបញ្ជាក់ផងដែរថាធនាគារពាណិជ្ជអាចធ្វើប្រតិបត្តិការឬផ្ដល់សេវាពាក់ព័ន្ធនឹងទ្រព្យសកម្មគ្រីតូចដូចខាងក្រោមនេះ

១. សម្រាប់ខ្លួនឯងផ្ទាល់៖  ធនាគារពាណិជ្ជដែលមានបំណងធ្វើប្រតិបត្តិការពាក់ព័ន្ធនឹងទ្រព្យសកម្មគ្រីបតូ ដូចមានកំណត់ក្នុងជំពូក៦នៃប្រកាសនេះ ត្រូវស្នើសុំការអនុញ្ញាតជាមុនពីធនាគារជាតិ។ លក្ខខណ្ឌនៃកាអនុញ្ញាតមានកំណត់ក្នុងប្រការ១៣នៃប្រកាសនេះ។

២. សម្រាប់អតិថិជនរបស់ខ្លួន៖ ធនាគារពាណិជ្ជដែលមានបំណងធ្វើប្រតិបត្តិការពាក់ព័ន្ធនឹងទ្រព្យសកម្មគ្រីបតូ ( ដូចមានកំណត់ក្នុងជំពូក៤នៃប្រកាសនេះ) ដល់អតិថិជនត្រូវស្នើសុំការអនុញ្ញាតជាមុនពីធនាគារជាតិ ស្របតាមលក្ខណ្ឌដូចបានកំណត់ក្នុងប្រកាសដោយឡែក។

សម្រាប់ព័ត៌មានលម្អិតពីសេចក្ដីប្រកាសរបស់ធនាគារជាតិស្ដីពី ប្រតិបត្តិការពាក់ព័ន្ធទ្រព្យសកម្មគ្រីបតូនៅកម្ពុជា សូមចុចអាននៅទីនេះ ។