មុននេះបន្តិច ក្រសួងអប់រំយុវជននិងកីឡា បានប្រកាសជ្រើសរើសមន្ត្រីរដ្ឋបាលទូទៅជាច្រើននាក់ដើម្បីចូលបម្រើការងារនៅតាមអង្គភាពនិងគ្រឹះស្ថានសិក្សានានាក្រោមឱវាទទីស្តីការក្រសួងអប់រំយុវជននិងកីឡា។ដោយក្នុងនោះក្រសួងអប់រំយុវជននិងកីឡានឹងរៀបចំប្រឡងជ្រើសរើសមន្ត្រីរដ្ឋបាលទូទៅ ប្រភេទក្របខណ្ឌ ក (ពុំមែនជាក្របខណ្ឌគ្រូបង្រៀន) ចំនួន ១០០នាក់ ឱ្យចូលបម្រើការងារលើមុខតំណែងធំៗចំនួន ៩មុខតំណែងដែលរួមមាន ៖ នីតិសាស្រ្ត រដ្ឋបាលសាធារណៈ ព័ត៌មានវិទ្យា គណនេយ្យហិរញ្ញវត្ថុ ទំនាក់ទំនងអន្តជាតិ ទំនាក់ទំនងសាធារណៈ សវនកម្ម គ្រប់គ្រង និងផ្នែកផែនការ។
ចំពោះបេក្ខជនដែលត្រូវជ្រើសរើសអង្គភាព ឬគ្រឹះស្ថានសិក្សាដែលមានតម្រូវការមុខវិជ្ជាជំនាញតាមចំនួនជាក់ស្តែងក្នុងតារាងជូនភ្ជាប់ និងត្រូវពិនិត្យស្ថានភាពទីតាំងអង្គភាព ឬគ្រឹះស្ថានសិក្សា ដែលត្រូវបំពេញការងារឱ្យច្បាស់លាស់មុននឹងសម្រេចចិត្តជ្រើសរើស ព្រមទាំងត្រូវធ្វើកិច្ចសន្យាជាមួយប្រធានអង្គភាពឬនាយកគ្រឹះស្ថានសិក្សាទៅបម្រើការងារនៅទីនោះបន្ទាប់ពីបញ្ចប់ការបណ្តុះបណ្តាលជាស្ថាពរ។
លក្ខខណ្ឌនៃការជ្រើសរើស៖
- បេក្ខជនមានសញ្ញាបត្របណ្ឌិតឡើងទៅត្រូវបានលើកលែងលក្ខខណ្ឌអាយុ
- បេក្ខជនដែលមានសញ្ញាបត្របរិញ្ញាបត្រជាន់ខ្ពស់ឬសមមូល ត្រូវមានអាយុច្រើនបំផុត ៤០ឆ្នាំ
- បេក្ខជនមានសញ្ញាបត្របរិញ្ញាបត្រឬសមមូលត្រូវមានអាយុច្រើនបំផុត ៣៥ឆ្នាំ
- បេក្ខជនជាមន្ត្រីរាជការត្រូវបានលើកលែងអាយុ
- កម្រិតសញ្ញាបត្របរិញ្ញាបត្រឡើងទៅ (សញ្ញាបត្រដែលបានបញ្ចប់ការសិក្សាពីបរទេស ឬសញ្ញាបត្រជាភាសាបរទេស ត្រូវយកទៅបញ្ជាក់ជាភាសាជាតិនិងមានការទទួលស្គាល់ពីក្រសួងអប់រំយុវជននិងកីឡា
- មិនប្រាសចាកសិទ្ធិខាងរដ្ឋប្បវេណីនិងសិទ្ធិជាពលរដ្ឋ
- ចំពោះបេក្ខជនជានារីមានពិការភាពដែលមានសមត្ថភាពសមស្របត្រូវបានលើកទឹកចិត្ត។
ការបរិច្ឆេទចុះឈ្មោះប្រឡងនិងការដាក់ពាក្យ
កាលបរិច្ឆេទចុះឈ្មោះប្រឡងចាប់ពីថ្ងៃទី ១៦ ខែ ឧសភា ឆ្នាំ ២០២៣ រហូតដល់ថ្ងៃទី ២៧ ខែ មិថុនា ឆ្នាំ ២០២៣ វេលាម៉ោង ១៧ ៖០០ រសៀលជាកំហិត។
ការដាក់ពាក្យតាមប្រព័ន្ធអនឡាញ ៖ ដើម្បីទទួលបានសិទ្ធិចូលរួមប្រឡង បេក្ខជនអាចស្គេន QR Code ឬ ចូលទៅកាន់គេហទំព័រ sms.era,gov.kh ដើម្បីបំពេញព័ត៌មានសុំសិទ្ធិប្រឡង និងស្គេនបញ្ចូនឯកសារច្បាប់ដើមភ្ជាប់ដូចជា៖
- អត្តសញ្ញាណប័ណ្ណសញ្ជាតិខ្មែរ ឬឆាយា (ព្រះសង្ឃ)
- សញ្ញាបត្រចុងក្រោយកម្រិត បរិញ្ញាបត្រឡើងទៅ ឬលិខិតបញ្ជាក់ពីការបញ្ចប់បរិញ្ញាបត្រជាស្ថាពរ
- រូបថតទំហំ ៤គុណ៦ (ផ្ទៃខាងក្រោយពណ៌ស)
- លិខិតបញ្ជាក់រដ្ឋបាលចេញដោយប្រធានអង្គភាពទទួលបន្ទុកកិច្ចការបុគ្គលិក ឬ ប្រធានអង្គភាពគ្រប់គ្រងផ្ទាល់ដែលមានសុពលភាពរយៈពេល ៣ខែ (សម្រាប់មន្ត្រីរាជការ)
សម្រាប់ព័ត៌មានលម្អិតផ្សេងទៀតសូមអានបន្ថែមខាងក្រោម ៖
