ព្រឹត្តិការណ៍ GUMBALL 3000 គឺជាព្រឹត្តិការណ៍អន្តរជាតិមួយដែលប្រមូលផ្តុំទៅដោយរថយន្ត Supercar, Hypercar, Sportcar និងកំពូលរថយន្តប្រណិតៗ ពីសំណាក់ជនមានឥទ្ធិពល ធុរជន កីឡាករ និងកំពូលតារាលំដាប់ពិភពលោក ដែលធ្វើដំណើរឆ្លងកាត់ពីទ្វីបមួយទៅទ្វីបមួយជុំវិញពិភពលោក ដែលមានរយ:ចម្ងាយសរុប ៣០០០ ម៉ាយ៍។
ជាក់ស្តែងក្នុងឆ្នាំ២០២៤ នេះព្រឹត្តិការណ៍ GUMBALL 3000 គឺរៀបចំឡើងចំនួន ៧ ថ្ងៃគឺចាប់ពីថ្ងៃទី១៥ រហូតដល់ថ្ងៃទី២២ ខែកញ្ញា ឆ្នាំ២០២៤ ដោយធ្វើដំណើរចេញពីទីក្រុងសាយហ្គន ប្រទេសវៀតណាម ឆ្លងកាត់តាមប្រទេសកម្ពុជា ប្រទេសថៃ ប្រទេសម៉ាឡេស៊ី និងបញ្ចប់នៅប្រទេសសឹង្ហបុរី។ ខណៈព្រឹត្ដិការណ៍ដ៏ពិសេសនេះក៏មានវត្ដមាននៅប្រទេសម្ពុជាចំនួន ៣ ថ្ងៃគឺចាប់ពីថ្ងៃទី១៥ ដល់ ១៧ ខែកញ្ញា។
យ៉ាងនៅក្នុងរយៈពេល ៣ ថ្ងៃនៃព្រឹត្ដិការណ៍ Gumball 3000 ដែលមានវត្ដមាននៅក្នុងប្រទេសកម្ពុជាភាពវិជ្ជមានជាច្រើនដូចជា ចូលរួមជម្រុញវិស័យទេសចរណ៍ និងកេត្តិ៍ឈ្មោះរបស់ប្រទេសកម្ពុជាទៅកាន់ពិភពលោក អោយកាន់តែរីកសុះសាយ ដែលព្រឹត្តិការណ៍នេះនឹងបើកឳកាសអោយវិនិយោគគិនឯកជន បរទេស និងនៅក្នុងស្រុកមានការជួបជុំគ្នា លើសពីនេះការបង្កើតកំណត់ត្រាពិភពលោក Guinness World Record នៅខាងមុខប្រាសាទអង្គរវត្ត។ ក្រៅពីនោះក៏ចូលរួមគាំទ្រ និងរៃអង្គាសទឹកប្រាក់ចូលរួមសប្បុរសធម៌ ដើម្បីបរិច្ចាគទៅកាន់មន្ទីពេទ្យកុមារអង្គរ ខេត្តសៀមរាបផងដែរ៕