ពេលរដ្ឋដែលកំពុងរស់នៅក្នុងអគារអង្គរជ័យ ដែលមានអាយុកាលប្រមាណជាង ៧០ និងមានសភាពចាស់ទ្រុឌទ្រោមខ្លាំងនោះ បានសម្រេចចាកចេញពីអគារខាងលើដើម្បីការពារសុវត្ថិភាពរបស់ខ្លួននិងគ្រួសារ។ ការសម្រេចចាកចេញនេះធ្វើឡើង បន្ទាប់ពីបានជួបពិភាក្សាជាមួយក្រុមការងារក្រសួងរៀបចំដែនដី នគរូបនីយកម្ម និងសំណង់នាពេលថ្មីៗនេះ។
យោងតាមការបញ្ជាក់ពីឯកឧត្ដម សាយ សំអាល់ ឧបនាយករដ្ឋមន្ដ្រី រដ្ឋមន្ដ្រីក្រសួងរៀបចំដែនដី នគរូបនីយកម្ម និងសំណង់ នៅលើហ្វេសប៊ុកផេកនាថ្ងៃទី១៩ ខែកញ្ញា ឆ្នាំ២០២៤ បានឲ្យដឹងថា «ក្រុមការងារក្រសួងរៀបចំដែនដី នគរូបនីយកម្ម និងសំណង់ បានជួបពិភាក្សាជាមួយបងប្អូនប្រជាជនដែលស្នាក់នៅអគារអង្គរមានជ័យ ពួកគាត់បានឯកភាព ទទួលយកដំណោះស្រាយគោលនយោបាយ ចាកចេញពីអគារអង្គរមានជ័យ ដើម្បីសុវត្ថិភាពរបស់ក្រុមគ្រួសារ»។
សូមជម្រាបថា អង្គរជ័យនេះត្រូវបានសាងសង់ឡើងនៅក្នុងអំឡុងឆ្នាំ១៩៥០ មានទីតាំងស្ថិតនៅកាច់ជ្រុងមហាវិថីព្រះមុនីវង្ស និងមហាវិថីកម្ពុជាក្រោម ដោយគិតមកដល់ពេលនេះអគារខាងលើគឺមានអាយុកាល ៧៤ ឆ្នាំហើយ។ ដោយក្នុងនោះមានបងប្អូនប្រជាពលរដ្ឋរស់នៅប្រមាណ ៦៥ គ្រួសារ និងមានបន្ទប់សរុបចំនួន ១០១ បន្ទប់៕
