លោក Shou Zi Chew គឺជានាយកប្រតិបត្តិក្រុមហ៊ុនTikTok ជនជាតិសិង្ហបុរីមួយរូប ដែលធ្លាប់ធ្វើការឱ្យ Facebookកាលពីក្រុមហ៊ុនរបស់អាមេរិកមួយនេះទើបចាប់ផ្តើមដំបូងរហូតប្រែជាគូប្រជែងធ្វើឱ្យក្រុមហ៊ុន Facebook ភ័យខ្លួនដេកមិនលក់។
តំណែងជានាយកប្រតិបត្តិTiktok នេះត្រូវបានលោក Zhang Yiming ផ្ទេរមកឱ្យលោក កាលពីខែឧសភា ឆ្នាំ ២០២១ កន្លងទៅ។នាយកប្រតិបត្តិវ័យ៣៥ឆ្នាំរូបនេះ បានបញ្ចប់ការសិក្សានៅសាលាល្បីបំផុតរបស់អាមេរិក Harvard Business School និងបានបញ្ចប់ថ្នាក់អនុបណ្ឌិតផ្នែកគ្រប់គ្រងពាណិជ្ជកម្ម (MBA) ពីសាកលវិទ្យាល័យ Ivy League និងបរិញ្ញាបត្រផ្នែក BSC និងសេដ្ឋកិច្ចនៅសកលវិទ្យាល័យចក្រភពអង់គ្លេស។
បន្ទាប់ពីបញ្ចប់ការសិក្សាលោកបានចូលធ្វើការភ្លាមៗឱ្យក្រុមហ៊ុន Facebook កាលពីក្រុមហ៊ុនទើបបង្កើតដំបូង (CFO) លោកក៏ធ្លាប់ជាប្រធាននៅ Xiaomi Technology ក្រុមហ៊ុនអេឡិចត្រូនិកចិន។ រហូតដល់ឆ្នាំ២០២១លោកបានក្លាយជាមនុស្សដំបូងបំផុតដែលកាន់តំណែងជាប្រធានផ្នែកហិរញ្ញវត្ថុរបស់ក្រុមហ៊ុនTiktok។
ចូលកាន់តំណែងមិនដល់មួយខែផងលោកត្រូវគេបានចាត់តាំងជានាយកប្រតិបត្តិជំនួសឱ្យ Kevin Mayer បន្ទាប់ពីលោកកាន់បានរយៈពេលខ្លីបំផុត។ ជាមួយគ្នានេះដែរលោក Zhang Yiming ដែលគេស្គាល់ថាជាស្ថាបនិក Tiktok ធ្លាប់បានលើកឡើងថាលោក Shou Zi Chew គឺជាមនុស្សម្នាក់មានចំណេះដឹងជ្រៅជ្រះអំពីក្រុមហ៊ុន និងឧស្សាហកម្មបច្ចេកវិទ្យា ហើយមានបទពិសោធន៍ធ្វើការនៅក្នុងវិស័យបច្ចេកវិទ្យាអស់រយៈពេលមួយទសវត្សរ៍មកហើយ។
យ៉ាងណាមិញនាពេលថ្មីៗនេះដែរ បញ្ហាក្រុមហ៊ុន Tik Tok រកស៊ីនៅលើទឹកដីអាមេរិក ហាក់ឡើងកម្ដៅសារជាថ្មី ខណៈពេលនេះតាមការស្ទង់មតិថ្មីរបស់ Washington Post មានប្រជាជនអាមេរិកជាច្រើនគាំទ្រលើការលុបកម្មវិធី Tik Tok ចេញពីប្រព័ន្ធទំនាក់ទំនងផ្លូវការរបស់អាមេរិក។
សម្រាប់មូលហេតុនៃការសម្រេចចិត្តឱ្យលុបនេះ គឺបណ្ដាលមកពីការភ័យខ្លាចអំពីសន្តិសុខជាតិទាំងមូល និងខ្លាចថាទិន្នន័យអ្នកប្រើប្រាស់ អាចធ្លាក់ចូលទៅក្នុងកម្មសិទ្ធិរបស់រដ្ឋាភិបាលចិន ខណៈកាលពីសប្តាហ៍មុន រដ្ឋបាល លោក Biden បាននិយាយយ៉ាងដូច្នេះថា៖ "ខ្លួននឹងហាមឃាត់ TikTok នៅសហរដ្ឋអាមេរិក ប្រសិនបើក្រុមហ៊ុន ByteDance មិនលក់ភាគហ៊ុនរបស់ខ្លួនទៅឱ្យក្រុមហ៊ុនអាមេរិក"។៕
អត្ថបទដោយ៖ ពីង ជូអេង
