ផ្សារទំនើប Big C ដែលជាយីហោដ៏ធំរបស់ប្រទេសថៃ ត្រៀមនឹងបង្ហាញវត្ដមាននៅលើទឹកដីក្រុងរណបថ្មីជ្រោយចង្វានាពេលឆាប់ៗខាងមុខហើយ។ ខណៈគម្រោងនេះក៏នឹងត្រូវចាយទុនវិនិយោគប្រមាណ ៥០ លានដុល្លារផងដែរ។ នេះបើយោងតាមការចុះផ្សារបស់គេហទំព័របស់ក្រុមហ៊ុន​OCIC ។​

ជាក់ស្ដែងកាលពីថ្ងៃទី៣០​ ខែកញ្ញា ឆ្នាំ២០២៣ ក្រុមហ៊ុន​ OCIC និង ក្រុមហ៊ុនផ្សាទំនើបBig C  បានចុះហត្ថលេខាលើកិច្ចព្រមព្រៀងជាផ្លូវការក្នុងការអភិវឌ្ឍន៍ផ្សារទំនើបទំហំដី ១.៧ហិកតា ដែលមានទីតាំងស្ថិតនៅរង្វង់មូលសុវណ្ណមច្ឆា ក្នុងទីក្រុងរណបជ្រោយចង្វារ រាជធានីភ្នំពេញ។

តាមការបញ្ជាក់របស់របស់លោក Gary Hardy ប្រធានផ្នែកប្រតិបត្តិការដែលដំណាងឲ្យក្រុមហ៊ុនផ្សារទំនើប Big C បានបញ្ជក់ថា​ ផ្សារទំនើបដ៏ល្បីមួននេះគ្រោងនឹងចាប់ផ្តើមសាងសង់ក្នុងពេលឆាប់ៗនេះ ដោយការសាងសង់អាចនឹងប្រើរយៈពេកពី១៨ ទៅ ២៤ ខែ។​

គួរបញ្ជាក់ផងដែរថា BIG C គឺជាផ្សារទំនើបដ៏ធំបំផុតមួយនៅក្នុងតំបន់អាស៊ីអាគ្នេយ៍ ជាមួយនឹងប្រាក់ចំណូលសរុបចំនួន ៤.៤ ពាន់លានដុល្លារកាលពីឆ្នាំមុន។ BIG C គឺជាផ្នែកមួយនៃក្រុមហ៊ុន Berli Jucker Public Company Limited ឬ BJC ដែលជាក្រុមហ៊ុនអាជីវកម្មដ៏ធំបំផុតមួយនៅក្នុងប្រទេសថៃ។

បច្ចុប្បន្នBIG C ដំណើរការហាងលក់រាយចំនួន ១,៨១០ ក្នុងប្រទេសថៃ ដែលក្នុងនោះមាន​១,៤៤៩ Big C Mini, ១៥៤ BIG C hypermarket និង ៦១ BIG C market។ វត្តមាននៅប្រទេសឡាវ BIG C ក៏មានដំណើរការ ៦០ BIG C Mini និង ១ hypermarket ដែលកំពុងសាងសង់។ នៅក្នុងប្រទេសកម្ពុជា BIG C ដំណើរការផ្សារទំនើបចំនួន ១ នៅក្រុងប៉ោយប៉ែត និង ២០ BIG C Mini នៅភ្នំពេញ និងកំពត ហើយ big c គ្រោងនិងនាំយកយីហោរបស់ខ្លួនទៅខេត្តបាត់ដំបងផងដែរ៕​