សល់តែ៣ថ្ងៃទៀតទេគឺនៅថ្ងៃទី៥ខែមេសាឆ្នាំ២០២៥នេះ Tik Tok នៅទឹកដីសហរដ្ឋអមេរិកអាចប្រឈមនឹងការបិទប្រតិបត្តិប្រសិនបើក្រុមហ៊ុនByteDance របស់ចិនដែលជាក្រុមហ៊ុនមេរបស់Tik Tok មិនអាចកក្រុមហ៊ុនអាមេរិកក្នុងការទិញយកTik Tok ដែលប្រតិបត្តិការនៅអាមេរិកទៅកាន់កាប់។

 តាមពិតទៅTik Tok នៅអាមេរិកប្រឈមនឹងការបិទប្រតិបត្តិការកាលពីឆ្នាំមុននៅពេលដែលលោក Joe Biden  ចេញច្បាប់ហាមឃាតមិនឲ្យTik Tok ប្រតិបត្តិការនៅអាមេរិកក្រោមហេតុផលមានការព្រួយបារម្ភពីផ្នែកសន្តិសុខសុវត្ថិភាពរបសអ្នកប្រើប្រាស់ ហើយតម្រូវឲ្យក្រុមហ៊ុនByteDance លក់Tik Tok ដែលប្រតិបត្តិការនៅអាមេរិកឲ្យទៅក្រុមហ៊ុនអាមេរិកទើបអាចបន្តប្រតិបត្តិការនៅទឹកដីអាមេរិកបាន។

យ៉ាងណាមិញបើយោងតាមការចុះផ្សាយរបស់CNN បានឲ្យដឹងថាបន្ទាប់ពីលោក Dondald Trump ចូលកាន់តែជាប្រធានាធិបតី លោកក៏បានពន្យារពេលដល់ថ្ងៃទី៥ខែមេសាឆ្នាំ២០២៥ដើម្បីក្រុមហ៊ុនByteDance ស្វែងរកអ្នកទិញយកប្រតិបត្តិTik Tok របស់ខ្លួននៅអាមេរិក បើចង់បន្តប្រតិបត្តិការនៅអាមេរិក។

ជាអកុសលគិតមកដល់ថ្ងៃនេះហើយ ក្រុមហ៊ុនByteDance មិនទាន់ឈានដល់មានកិច្ចព្រមព្រៀងជាមួយផ្លូវការណាមួយពីក្រុមហ៊ុនអាមេរិកក្នុងការចរចាទិញយកTik Tok រនៅអាមេរិកនៅឡើយទេ ហើយបើតាមការណត់របស់ Donald Trump Tik Tok អាមេរិកនឹងត្រូវហាមឃាតបើមិនអាចស្វែងរកអ្នកទិញនៅត្រឹមថ្ងៃទី៥ខែមេសានេះ។

យ៉ាងណាមិញលោក Donald Trump បានបង្ហើបថាមានអ្នកទិញដែលមានសក្ដានុលពលជាច្រើន កំពុងមានការចាប់អារម្មណ៍ទិញTik Tok នៅអាមេរិកហើយលោកសង្ឃឹមថាTik Tok អាចមេរិកនៅបន្តដង្ហើមនៅអាមេរិក។

គួរបញ្ជាក់ផងដែរថាកាលពីខែមករាឆ្នាំ២០២៥ Tik Tok នៅអាមេរិកត្រូវបានបិទប្រតិបត្តិការរយៈពេល១៤ម៉ោងហើយApp Stores របស់ Apple បានលុបApp នេះចេញបន្ទាប់ដល់ពេលកំណត់ត្រូវលក់ឲ្យក្រុមហ៊ុនអាមេរិកប៉ុន្ដែមិនមានអ្នកទិញ។ យ៉ាងណាមិញ Donald Trump បានពន្យារពេលឲ្យប្រតិបត្តិការចំនួន៧៥ថ្ងៃបន្ថែមទៀតដោយកំណត់ហាមឃាត់ត្រឹមថ្ងៃទី៥ខែមេសាឆ្នាំ២០២៥នេះ៕