កាលពីថ្មីៗនេះ និយ័តករអាជីវកម្មអចលនវត្ថុ និងបញ្ចាំបានបង្ហាញនូវគម្រោងដីឡូតិ៍សរុបចំនួន ២ ដែលកំពុងតែធ្វើអាជីវកម្មគ្មានអាជ្ញាបណ្ណឡើយ ដូច្នេះបងប្អូនដែលបានទិញដីសូមមានការប្រុងប្រយ័ត្ននិងពិនិត្យមើលឱ្យបានច្បាស់លាស់មុនសម្រេចចិត្តទិញ។ យោងតាមសេចក្ដីជូនដំណឹងរបស់ និយ័តករអាជីវកម្មអចលនវត្ថុ និងបញ្ចាំ បានបង្ហាញពីគម្រោងដីឡូត៍ដេលគ្មានអាជ្ញាបណ្ណទាំងនោះរួមមាន៖
១. លោក ប៉ែត ពេជ្រ ម្ចាស់គម្រោងដីឡូតិ៍ ដែលមានទីតាំងនៅភូមិឬទ្ធី២ ឃុំកែវផុស ស្រុកស្ទឹងហាវ ខេត្តព្រះសីហនុ
២. គម្រោង “ក្រវ៉ាន់សៀមរាប រេស៊ីដិន” ភូមិខ្នារង្វាស និងភូមិទួលគ្រួស ឃុំឃុនរាម ស្រុកបន្ទាយស្រី ខេត្តសៀមរាប
និយ័តករអាជីវកម្មអចលនវត្ថុ និងបញ្ចាំ ក៏បានបញ្ជាក់ថា សូមសាធារណជនទាំងអស់កុំចូលរួមធ្វើអាជីវកម្ម ឬពាក់ព័ន្ធជាមួយគម្រោងអភិវឌ្ឍដីឡូតិ៍ដែលគ្មានអាជ្ញាបណ្ណខាងលើដែលអាចធ្វើឱ្យប៉ះពាល់ឬខាតបង់ផលប្រយោជន៍ណាមួយជាយថាហេតុ៕