ជាដំណឹងដ៏រីករាយសម្រាប់ប្រិយមិត្តដែលតែងតែគាំទ្ររថយន្តជប៉ុន ឬបងប្អូនដែលកំពុងស្វែងរករថយន្តដែលសន្សំសំចៃខ្ពស់ ជាមួយតម្លៃធូរថ្លៃ ខណៈពេលនេះត្រូវប៉ាន់តែម្តង ដោយ Toyota Yaris Cross ស៊េរីឆ្នាំ២០២៤ ត្រៀមចេញលក់ជាមួយតម្លៃខ្ទង់២ម៉ឺន$ ដោយកំរិតស៊ីសាំងរបស់វាប្រហាក់ប្រហែលនៅនឹងកំរិតស៊ីសាំងរបស់រថយន្ត Prius។ នេះបើយោងតាមការចុះផ្សាយលើគេហទំព័រ CARSGUIDE កាលពីកន្លងទៅនេះ។
រថយន្ត Toyota Yaris Cross មានការប្រើប្រាស់សាំងជាមធ្យមចាប់ពី ៤.៥ ទៅ ៥.0 លីត្រ/១០០គីឡូម៉ែត្រ ជាមួយតម្លៃទាបបំផុត ២៤,៨០០ដុល្លារ និងខ្ពស់បំផុត ៣៤០០០ដុល្លារ (តម្លៃបរទេស)។ ស្របគ្នានេះដែរបើនិយាយអំពីទំហំវិញ រថយន្តនេះមានប្រវែង ៤១៨០-៤១៨៥ម ជាមួយទទឹង១៧៦៥ mm កម្ពស់ ១៥៨០-១៥៩០ mm ហើយ Wheelbase:២៦២០ mm និង Ground clearance: ១៦០ មម។
ចំពោះផ្នែកម៉ាស៊ីនវិញ Toyota Yaris Cross ស៊េរីឆ្នាំ ២០២៤ ទទួលបានជម្រើសម៉ាស៊ីន ២ ប្រភេទរួមមាន៖ ម៉ាស៊ីនសាំងចំណុះ ១,៥ លីត្រ ទំហំ ៣ស៊ីឡាំង អាចផលិតកម្លាំងបាន ១២០ សេះ និងកម្លាំងរមួល ១៤៥ ញ៉ូតុនម៉ែត្រ ភ្ជាបដោយប្រអប់លេខអូតូ Direct Shift-CVT ៦វគ្គ ប្រភេទបើកបរប៉ុង ១។ និងមួយទៀតជាប្រភេទម៉ាស៊ីនកូនកាត់ Hybrid ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ ទំហំ ៣ស៊ីឡាំង ជាមួយម៉ូទ័រអគ្គិសនីចំនួន ១ អាចផលិតកម្លាំងបាន ១១៦ សេះ និងកម្លាំងរមួល ១៤១ ញ៉ូតុនម៉ែត្រ ភ្ជាបដោយប្រអប់លេខអូតូ Direct Shift-CVT ៦វគ្គ ប្រភេទបើកបរប៉ុង ២ ជាមួយកម្រិតស៊ីប្រេងចន្លោះពី ៣-៤លីត្រប៉ុណ្ណោះក្នុងរយៈចម្ងាយ ១០០គីឡូម៉ែត្រ ៕
