ឱកាសការងាររដ្ឋបានមកដល់ទៀតហើយ ជាពិសេសសម្រាប់បងប្អូនដែលកំពុងតែសិក្សាជំនាញវិស្វកម្ម ស្ថាបត្យកម្ម ជំនាញសេដ្ឋកិច្ច និង ហិរញ្ញវត្ថុ ព្រោះពេលនេះក្រសួងរៀបចំដែនដី នគរូបនីយកម្ម និងសំណង់កំពុងត្រូវការជ្រើសរើសនិស្សិតនិងមន្ត្រីរាជការទូទៅឱ្យចូលបម្រើការងារក្នុងក្របខណ្ឌក្រសួងរៀបចំដែនដី នគរូបនីយកម្ម និងសំណង់ សម្រាប់ឆ្នាំ ២០២៣ ក្នុងក្របខណ្ឌ “ក” ចំនួន ១២កន្លែង។
ចំពោះនិស្សិត និងមន្ត្រីរាជការទូទៅដែលមានសញ្ញាបត្រត្រូវនឹងជំនាញដែលជ្រើសរើស អាចដាក់ពាក្យសុំប្រឡងប្រជែងតាមជំនាញ និងអង្គភាពដូចខាងក្រោម៖
ក.ទីស្តីការក្រសួង ជ្រើសរើសចំនួន ១១ កន្លែង ៖
ខ.មន្ទីររៀបចំដែនដី នគរូបនីយកម្ម សំណង់និងសុរិយោដី រាជធានីភ្នំពេញ ជ្រើសរើស ជំនាញភាសាអង់គ្លេសចំនួន ១ កន្លែង
គ.លក្ខខណ្ឌនៃការជ្រើសរើស
- មានសញ្ជាតិខ្មែរ
- លក្ខខណ្ឌអាយុ
- បេក្ខជនត្រូវមានអាយុមិនលើសពី ៣៥ឆ្នាំ ករណីមានសញ្ញាបត្របរិញ្ញាបត្រ
- បេក្ខជនត្រូវមានអាយុមិនលើសពី ៤០ឆ្នាំ ករណីមិនមានសញ្ញាបត្រជាន់ខ្ពស់
- ត្រូវបានលើកលែងលក្ខខណ្ឌអាយុចំពោះបេក្ខជនជាមន្ត្រីរាជការទូទៅ និងបេក្ខជនជានិស្សិតដែលមានសញ្ញាបត្របណ្ឌិតឡើងទៅ
- ត្រូវមានលិខិតអនុញ្ញាតឱ្យចូលរួមប្រឡងប្រជែងពីប្រធានស្ថាប័ន ចំពោះបេក្ខជនជាមន្ត្រីរាជការទូទៅ
- ផ្តល់អទិភាពដល់បេក្ខជនជានារីក្នុងករណីពិន្ទុប្រឡងស្មើគ្នាជាមួយបេក្ខជនបុរស
- ផ្តល់អទិភាពនិងលើកទឹកចិត្តដល់បេក្ខជនជនជាតិដើមភាគតិច និងជាជនពិការដែលអាចបំពេញការងារបាន។
ឃ.កាលបរិច្ឆេទ និងទីកន្លែងទទួលពាក្យសុំប្រឡង
និស្សិតនិងងមន្ត្រីរាជការទូទៅត្រូវដាក់ពាក្យសុំចុះឈ្មោះប្រឡងនៅទីស្តីការក្រសួងដែលមានអាសយដ្ឋានដីឡូត៍លេខ ២០០៥ ផ្លូវលេខ ៣០៧ សង្កាត់ឃ្មួញ ខណ្ឌសែនសុខ រាជធានីភ្នំពេញ (នាយកដ្ឋានបុគ្គលិកជាន់ទី ៣ បន្ទប់ ៣០៥) ចាប់ពីថ្ងៃទី០២ ខែ ឧសភា ឆ្នាំ ២០២៣ រហូតដល់ថ្ងៃទី ០២ ខែមិថុនា ឆ្នាំ ២០២៣ រៀងរាល់រាល់ម៉ោងធ្វើការ៕
អត្ថបទដោយ៖សម្បត្តិ សុខឡាង
