នៅព្រឹកថ្ងៃទី២៤ ខែកក្កដា ឆ្នាំ២០២២ ក្រុមហ៊ុន ខេមបេស្ទេត មេនេចម៉ិន ខូអិលធីឌី ដែលមានទីតាំងស្ថិតនៅសង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ ពិធីបើកសម្ពោធគម្រោងលំនៅឋាន ឡាម៉េហ្សុង ផ្លាហ្សា (La Maison Plaza) ដោយមានការចូលរួមពីឯកឧត្តម កើត ឆែ អភិបាលរងរាជធានីភ្នំពេញ តំណាង ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ។
ក្នុងពិធីនេះផ្ទាល់ឯកឧត្តម កើត ឆែ ក៏បានមានប្រសាសន៍ឱ្យដឹងថា “ការបើកសម្ពោធគម្រោងនេះគឺបានឆ្លុះបញ្ចាំងឱ្យឃើញអំពីភាពជោគជ័យថ្មីមួយទៀត នៃការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា ក្នុងការទាក់ទាញការវិនិយោគ និងបង្កើតកាល្លានុវត្តភាពផ្នែកធុរកិច្ច ជាពិសេសគឺការខិតខំបង្កើនជំនឿទុកចិត្តជូនដល់ពាណិជ្ជករ វិនិយោគិន និងធុរជន សំដៅរួមចំណែកជំរុញឱ្យមានកំណើនសេដ្ឋកិច្ច បង្កើតការងារ កាត់បន្ថយភាពក្រីក្រ ជូនបងប្អូនប្រជាពលរដ្ឋ និងអភិវឌ្ឍរាជធានីភ្នំពេញ ឱ្យកាន់តែរីកចម្រើនបន្ថែមទៀត”។
អ្វីដែលជាភាពល្អឯកនៃគម្រោងឡាម៉េហ្សុង ផ្លាហ្សា គឺ៖
”ទីតាំងគម្រោង” ដ៏កម្រស្ថិតនៅតំបន់ពាណិជ្ជកម្មកណ្តាលនៃភាគខាងជើងរាជធានីភ្នំពេញ ដែលមានផ្លូវខ្វាត់ខ្វែងនិងចរាចរណ៍មមាញឹក មានហេដ្ឋារចនាសម័្ធន្ធរូបវ័ន្តបង្កលក្ខណៈងាយស្រួល បូករួមនឹងចំនួនប្រជាជនក្នុងតំបន់យ៉ាងច្រើនកុះករ ជាពិសេសទីតាំងនៃគម្រោងនេះផ្ទាល់គឺនៅចំតំបន់កំពុងលេចធ្លោផ្នែកអចលទ្រព្យ ដោយនៅជាប់រង្វង់មូលអប្សរា (ស្ពានព្រែកព្នៅ) លើបណ្តោយមហាវិថីឈ្នះ ឈ្នះ និង សិ្ថតនៅចំទីតាំងកណ្តាលចន្លោះខណ្ឌទាំង៤នៃរាជធានីភ្នំពេញដែលកំពុងអភិវឌ្ឍន៍ខ្លាំង ពោលគឺនៅប្រសព្វខណ្ឌចំនួន៤ គឺខណ្ឌឬស្សីកែវ ខណ្ឌសែនសុខ ខណ្ឌព្រែកព្នៅ និងខណ្ឌជ្រោយចង្វារ។
”ហ្សបហៅស៍ពហុបំណង” ផ្តល់ឱកាសឱ្យធុរជនអាចធ្វើធុរកិច្ច និងរស់នៅក្នុងគេហដ្ឋានរបស់ខ្លួនឯងផ្ទាល់ ដោយពុំចាំបាច់ចំណាយបន្ថែមលើការជួលទីកន្លែងផ្សេងពីគ្នា ឬឱ្យវិនិយោគិនអាចទទួលបានចំណូលពីការជួលផ្ទះ និងចំណេញមូលធនពីការឡើងថ្លៃផ្ទះ។ ជាពិសេស គឺមានបទដ្ឋានគ្រប់គ្រងគម្រោងដ៏ល្អ ធានាបាននូវវឌ្ឍនភាព និងនិរន្តរភាពសម្រាប់គ្រប់ធុរកិច្ច។
”រចនាបទនៃស្ថាបត្យកម្ម” ហ្សបហៅស៍ ដ៏វិសេសបែបប៉ារីសនៃប្រទេសបារាំង សំណង់មានសមាមាត្រល្អ មាន4ជាន់ កម្ពស់16ម៉ែត្រ ដំបូលក្បឿងម៉ូតMansard ពណ៌ប្រផេះក្រម៉ៅ ជញ្ជាំងផ្ទះបាញ់ថ្នាំលាបពណ៌ទឹកដោះគោវ៉ានីឡា មុខផ្ទះជាន់ក្រោមមានបំពាក់សំយ៉ាបរួចស្រេច ជាន់លើរំលេចដោយបង្កាន់ដៃដែកក្បាច់បុរាណ ស្អាតស្រទន់ ស្រគត់សគុំ សាកសមគ្រប់សម័យកាល។
សម្រាប់ព័ត៌មានល្អិតក្រុមការងារតាមLinkខាងក្រោម
🗺 ផែនទីគម្រោង ឡាម៉េហ្សុងផ្លាហ្សា៖
https://maps.app.goo.gl/rnGTmGExwnTBSw5h9
អត្ថបទ : Pranun
