ជាឱកាសដ៏សិក្ត័សមមួយសម្រាប់អ្នកធ្វើការជាស្ថាបត្យករ អ្នករចនានិងក្រុមហ៊ុនផ្តត់ផ្គង់សម្ភារៈផ្សេងៗ ខណៈក្នុងខែសីហាខាងមុខនេះ ពិព័រណ៍សំណង់ពាណិជ្ជកម្ម លំដាប់ថ្នាក់អន្តរជាតិដ៏ធំគឺ​ Cambodia Architect & Decor 2024 លើកទី៧នឹងប្រារព្ធឡើង នៅក្នុងប្រទេសកម្ពុជា ដើម្បីជាវេទិកាធុរកិច្ច ជួបជុំប្រមូលផ្តុំគ្នា របស់បណ្តាអ្នកផ្គត់ផ្គង់អន្តរជាតិនិងដៃគូធុរកិច្ចមកពីទូទាំងអាស៊ីអាគ្នេយ៍។

ព្រឹត្តិការណ៍ពាណិជ្ជកម្មនេះនឹងប្រារព្ធឡើងរយៈពេល៣ថ្ងៃពេញ នៅថ្ងៃសុក្រទី០២ ដល់ថ្ងៃអាទិត្យទី០៤ ខែសីហា ឆ្នាំ២០២៤ ចាប់ពីវេលាម៉ោង១០ព្រឹក​ ដល់ម៉ោង០៧យប់ នាមជ្ឈមណ្ឌលសន្និបាតនិងពិព័រណ៍កោះពេជ្រ ដោយសាធារណៈជនទាំងអស់ អាចចូលរួមបានដោយសេរីនិងឥតគិតថ្លៃ ជាមួយនឹងទំហំទីតាំងប្រារព្ធកម្មវិធី ៣០០០ ម៉ែត្រការ៉េ។

សម្រាប់កម្មវិធីនេះដែរ គឺជាប្រភពដ៏ល្អបំផុតសម្រាប់ អ្នកនៅក្នុងវិស័យសំណង់ ដែលនេះគឺជាវេទិកាធំមួយនិយាយអំពីសំណង់ស្ថាបត្យកម្ម គ្រឿងសង្ហារឹម ការរចនាខាងក្នុងនិងការតុបតែងផ្ទះ។

ជាពិសេសពិព័រណ៌នេះគឺជាវេទិកាសម្រាប់ការចែករំលែកចំណេះដឹង បទពិសោធន៍និងការអប់រំពាក់ព័ន្ធនឹងវិស័យសំណង់ផងដែរ ដោយក្នុងនោះពិព័រណ៍នេះ គឺជាឱកាសល្អបំផុតសម្រាប់អ្នករចនា ស្ថាបត្យករ អ្នកម៉ៅការ និងអ្នកដែលចូលចិត្តតុបតែងគេហដ្ឋាន ជួបជុំគ្នាស្វែងរកការបំផុសគំនិតនិងការបង្កើតថ្មីៗ។

ក្នុងនោះក៏មានជាការ​ផ្តល់​ជូន​ពិសេសៗ ពីក្រុមហ៊ុនសម្ភារៈល្បីៗនិងឈានមុខគេ ដែលមានដូចជា៖

១. ក្រុមហ៊ុនផ្គត់ផ្គង់សម្ភារៈសំណង់

២. ឧបករណ៍និងបរិក្ខារ ទ្វារ បង្អួច​ ក្បឿង ថ្ម

៣. ក្រុមហ៊ុនសេវាកម្មរចនាផ្ទៃខាងក្នុង

៤. ក្រុមហ៊ុនតុបតែងគេហដ្ឋាន និងសណ្ឋាគារ

៥. ក្រុមហ៊ុនលក់របស់របរប្រើប្រាស់ក្នុងផ្ទះ និងសណ្ឋាគារ

៦. ក្រុមហ៊ុនគ្រឿងសង្ហារិម និងផ្ទះបាយ

៧. ផ្នែកសណ្ឋារគារនិងរមណីយដ្ឋាន

៨. ក្រុមហ៊ុនលក់ផលិតផល សម្រាប់ការរស់នៅប្រចាំថ្ងៃផ្សេងៗជាច្រើនទៀត

ចំពោះព្រឹត្តិការណ៍នេះដែរគឺ រៀបចំឡើងដោយក្រុមហ៊ុន Index Creative Village  Plc. សហការជាមួយក្រុមហ៊ុនអន្តរជាតិ The Board of Trade of Thailand នឹងមានការចូលរួមគាំទ្រពីស្ថាប័នរដ្ឋដូចជា សភាពាណិជ្ជកម្ម ក្រសួងទេសចរណ៍ ក្រសួងដែនដី និងក្រុមហ៊ុនឯកជនជាច្រើនទៀត។

កម្មវិធីនេះនឹងមានអ្នកចូលរួមជាង៦០០០នាក់ ​មកពីវិស័យសំណង់​ ដូចជាអ្នកអភិវឌ្ឍន៍អចលនទ្រព្យ ខុនដូ ផ្ទះលែ្វង វិស្វករ ស្ថាបត្យករ អ្នកចែកចាយ នាំចេញនាំចូល ផ្នែកសណ្ឋារគារ រមណីយដ្ឋាន និងផ្នែកសេវាកម្មរចនាជាដើម។

ដូច្នេះសម្រាប់លោកអ្នកដែលមានចំណាប់អារម្មណ៍ ជាមួយនឹងឱកាសពិសេសៗ សូមធ្វើការចុះឈ្មោះ កក់ទុកមុនបាន ចាប់ពីថ្ងៃផ្សាយដំណឹងនេះតទៅ តាមរយៈតំណលីងខាងក្រោមនេះ ដើម្បីបង្កើតគម្រោងនៃក្តីស្រមៃរបស់អ្នកនៅ Cambodia Architect & Decor 2024 ៕

តំណលីងចុះឈ្មោះ https://www.cambodiaarchitectdecor.com/home