គម្រោងរោងចក្រស៊ីម៉ងត៍ខនស៍ទី២ តម្លៃវិនិយោគសរុបជាង ២៥០ លានដុល្លារ គ្រោងនឹងបើកឲ្យដំណើរការនៅក្នុងខែកញ្ញា ឆ្នាំ២០២៤ ខាងមុខនេះហើយ ក្រោយបើកការដ្ឋានសាងសង់អស់រយៈពេលជាច្រើនឆ្នាំរួចមក។ នេះបើយោងតាមការដកស្រង់ពីសមាគមន៍ឧកញ៉ាកម្ពុជា កាលពីពេលកន្លងទៅ។
គម្រោងរោងចក្រផលិតស៊ីម៉ងត៍នេះ ត្រូវបានវិនិយោគរួមគ្នារវាង លោកអ្នកឧកញ៉ា ភូ ហុងស៊ួន ស៊ីគង់ទ្រីវ និងអ្នកឧកញ៉ា វិញ ហ៊ួរ ។ គម្រោងរោងចក្រស៊ីម៉ងត៍ខនស៍ទី២ នេះ មានទីតាំងស្ថិតនៅក្នុងខេត្តបាត់ដំបងលើផ្ទៃដី ៤០៧ហិកតាជាមួយនឹងទុនវិនិយោគសរុបប្រមាណជា ២៥៣លានដុល្លារអាម៉េរិកដែលជាការវិនិយោគរួមគ្នារវាងភាគីកម្ពុជានិងភាគីចិនដែលមានសមត្ថភាពអាចផលិតបានស៊ីម៉ងត៍ចំនួន ៥ពាន់តោនក្នុងមួយថ្ងៃ និង២លានតោនក្នុងមួយឆ្នាំ។
គម្រោងនេះបានចាប់ផ្តើមសាងសង់នាអំឡុងខែសីហា ឆ្នាំ២០១៨ ហើយគិតមកទល់ពេលនេះសម្រេចបាន ៨៥%ហើយ និងបើតាមការគ្រោងទុកគម្រោងនេះនឹងបញ្ចប់ការសាងសង់ហើយឈានទៅចាប់ផ្តើមផលិតស៊ីម៉ងត៍ជាផ្លូវការនាខែកញ្ញា ឆ្នាំ២០២៤ ខាងមុខនេះ៕