ចំពោះសិស្ស-និស្សិតដែលមានក្តីស្រមៃចង់ធ្វើការនៅព្រលានយន្តហោះ ពេលនេះក្រុមហ៊ុនអាកាសចរណ៍ជាតិ Angkor Air កំពុងប្រកាសជ្រើសរើសក្រុមការងារ Cabin Crew ឱ្យចូលបម្រើការងារជាច្រើននាក់ ដោយការដាក់ពាក្យសម្ភាសន៏ នឹងចាប់ផ្តើមបើកពីថ្ងៃនេះរហូតដល់ ថ្ងៃទី៣០ ខែកញ្ញា ឆ្នាំ២០២៤ ខាងមុខនេះ។

តាមការចុះផ្សាយនៅលើគេហទំព័រផ្លូវការរបស់ Angkor Air បានឱ្យដឹងថាសម្រាប់បេក្ខជនដែលមានបំណង  ធ្វើការជានារីនិងបុរស អាកាសចរណ៍នៅក្រុមហ៊ុន ត្រូវមានលក្ខខណ្ឌដូចជា៖

១. មានសញ្ជាតិខ្មែរ

២. ការសិក្សាកម្រិតបរិញ្ញាបត្រ

៣. មានអាយុពី២១ឆ្នាំ

៤. នៅលីវ មិនទាន់មានគ្រួសារ

៥. មានកម្ពស់ចាប់ពី១៧៥ (សម្រាប់បុរស) មានកម្ពស់១៦០ (សម្រាប់នារី)

៦. មានគីឡូត្រូវតាមស្តង់ដារកម្ពស់

ដូច្នេះបេក្ខជនដែលចាប់អារម្មណ៍សូមអញ្ជើញទៅដាក់ពាក្យផ្ទាល់នៅក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ ដែលមានអាស័យដ្ឋាននៅអគារលេខ 206A មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

សម្រាប់ព័ត៌មានបន្ថែមសូមទំនាក់ទំនងមកកាន់: ០២៣ ៦៦០ ០០៣៦ និងព័ត៌មានលម្អិតពីការងារ សូមចូលទៅកាន់តំណលីង៖ https://www.cambodiaangkorair.com/career ៕

អត្ថបទដោយ៖ ពីង ជូអេង