ចាប់តាំងពីការបង្កើតកម្មវិធី Youtube នៅឆ្នាំ២០០៥ ផ្លោតហ្វូមមួយនេះបានក្លាយជាគោលដៅនិងប្រភពចំណូលនៃការបង្កើតលុយរបស់មនុស្សជាច្រើនលាននាក់។
យ៉ាងណាមិញថ្ងៃនេះយើងសូមលើកយកនូវ ឆាណែលយូធូបចំនួន៥ ដែលមានអ្នកតាមដាន ច្រើនជាងគេក្នុងពិភពលោក គិតត្រឹមខែសីហា ឆ្នាំ២០២៤ ខណៈឆាណែលទាំង៥នេះ សុទ្ធតែមានទីតាំងនៅក្នុងប្រទេសដែលរកលុយបាន។
៥. ឆាណែលយូធូប៖ Kids Diana Show ជាឆាណែលភាសាអង់គ្លេសសម្រាប់កុមារ ជាប់ចំណាត់ថ្នាក់លេខ៥ ដែលមានកុមារី Diana អាយុ ៧ឆ្នាំ និងបងប្រុសរបស់នាងឈ្មោះ Roma ជាអ្នកផលិតមាតិកា។ វីដេអូរបស់ពួកគេលេចធ្លោលើការសម្តែង គំនូរជីវចលនិងតន្ត្រី ដែលបានដាក់ឱ្យទស្សនារហូត ២០ភាសាឯណោះ។
- បង្កើតឆាណែលឡើង៖ ថ្ងៃទី ១២ ខែ ឧសភា ឆ្នាំ ២០១៥
- មានអ្នកតាមដាន៖ ១២៤ លាននាក់
- ជាប្រភេទ៖ កម្សាន្ត
- មានចំនួនវីដេអូ៖ ១២០០
- ទីតាំង៖ ប្រទេសអង់គ្លេស
៤. ឆាណែលយូធូប៖ SET India, Sony Entertainment Television (SET) India គឺជាប៉ុស្តិ៍កម្សាន្តហិណ្ឌូដ៏លេចធ្លោមួយ ជាប់ចំណាត់ថ្នាក់លេខ៤ មានតាមដានច្រើនបំផុត។ បានបើកដំណើរការជាឧស្សាហកម្មភាពយន្ត Bolly Wood តាំងពី ១៩៩៥។
- បង្កើតឆាណែលឡើង ថ្ងៃទី ២១ ខែកញ្ញា ឆ្នាំ ២០០៦
- មានអ្នកតាមដាន៖ ១៧៦ លាននាក់
- ជាប្រភេទ៖ កម្សាន្ត
- មានចំនួនវីដេអូ៖ ១៤៣,០០០
- ទីតាំង៖ ប្រទេសឥណ្ឌា
៣. ឆាណែលយូធូប៖ Cocomelon ជា Channel YouTube របស់ក្មេងៗ ជាប់ចំណាត់ថ្នាក់លេខ៣ ដែលមានខ្លឹមសារកម្សាន្តអប់រំ បទភ្លេងមត្តេយ្យសម្រាប់កុមារតូច មានពណ៌ស្រស់ៗ និងភាសាដំបូងសាមញ្ញ ដែលធ្វើឱ្យវីដេអូរបស់ពួកគេទាក់ទាញការមើលម្តងហើយម្តងទៀតពីសំណាក់ក្មេងៗ។
- បង្កើតឆាណែលឡើង៖ ថ្ងៃទី ២ ខែកញ្ញា ឆ្នាំ ២០០៦
- មានអ្នកតាមដាន៖ ១៨០ លាននាក់
- ជាប្រភេទ៖ អប់រំ
- មានចំនួនវីដេអូ៖ ១២០០
- ទីតាំង៖ សហរដ្ឋអាមេរិក
២. ឆាណែលយូធូប៖ T-Series ជាប៉ុស្ត៍ទូរទស្សន៍របស់ឥណ្ឌាដែលបានបង្កើតឡើងតាំងពីឆ្នាំ ១៩៨៣ បានទាក់ទាញទស្សនិកជនទូទាំងពិភពលោកជាមួយ ប្រជាជនក្នុងប្រទេសជាច្រើន តាមរយៈវីដេអូ តន្ត្រីប៉ុបឥណ្ឌា ភាពយន្តនិងបទសម្ភាសន៍។
-បង្កើតឡើង៖ ថ្ងៃទី ១៣ ខែ មីនា ឆ្នាំ ២០០៦
- មានអ្នកតាមដាន៖២៧១ លាននាក់
-ជាប្រភេទ៖ តន្ត្រី និងភាពយន្ត
-មានចំនួនវីដេអូ៖ ២១,០០០
-ទីតាំង៖ ប្រទេសឥណ្ឌា
១. ឆាណែលយូធូប៖ Mr Beast ត្រូវបានគេស្គាល់ឈ្មោះថា Jimmy Donaldson បានកាន់កាប់ឈ្មោះជាស្តេចយូធូប មិនមាននរណាអាចផ្ទឹមបានក្នុងនាមជាឆាណែលយូធូប។ ឆាណែលនេះជាឆាណែលមានអ្នកជាវច្រើនជាងគេបំផុតនៅក្នុងពិភពលោក។
-បង្កើតឡើង៖ ថ្ងៃទី ២០ ខែកុម្ភៈ ឆ្នាំ ២០១២
-មានអ្នកតាមដាន៖ ៣០៩ លាននាក់
-ជាប្រភេទ៖ កម្សាន្ត
- មានចំនួនវីដេអូ៖ ៨០៩
- ទីតាំង៖ សហរដ្ឋអាមេរិក
គួរជម្រាបផងដែរថាទិន្នន័យនេះត្រូវបានធ្វើសន្ទ្សន៍ដោយទស្សនាវដ្តី Forbes ចុះផ្សាយថ្ងៃទី២៣ ខែសីហា ឆ្នាំ២០២៤៕
