កាលពីថ្ងៃទី៤ខែឧសភានេះ ប្រធានក្រុមប្រឹក្សាភិបាលនៃក្រុមហ៊ុន SinoPac Holdings របស់តៃវ៉ាន់និងធនាគារ SinoPac Bank ដែលជាបុត្រសម្ព័ន្ធបានសម្រេចអនុម័តទិញយកភាគហ៊ុន១០០%របស់គ្រឹះស្ថានមីក្រូហិរញ្ញវត្ថុអម្រឹតដែលជាគ្រឹះស្ថានមីក្រូហិរញ្ញវត្ថុនាំមុខគេមួយនៅកម្ពុជា។ នេះបើយោងតាមការចុះផ្សាយព័ត៌មានរបស់ក្រុមហ៊ុនSinoPac Holdings។
នៅក្នុងសេចក្ដីប្រកាសព័ត៌មានរបស់ SinoPac Holdings បានឲ្យដឹងថាការទិញយកភាគហ៊ុនរបស់គ្រឹះស្ថានមីក្រូហិរញ្ញវត្ថុអម្រឹតមកកាន់កាប់នេះគឺជាយុទ្ធសាស្រ្តមួយក្នុងការបង្កើនប្រាក់ចំណូលនៅបរទេសក៏ដូចជាពង្រីកវត្តមានប្រតិបត្តិការអាជីវកម្មរបស់ខ្លួនៅក្រៅប្រទេសខណៈប្រទេសកម្ពុជាជាប្រទេសមួយនៅតំបន់អាស៊ីដែលមានកំណើនសេដ្ឋកិច្ចខ្ពស់បំផុត។
ចំពោះការទិញយកភាគហ៊ុនរបស់គ្រឹះស្ថានមីក្រូហិញ្ញវត្ថុអម្រឹតនេះធនាគារ SinoPac នឹងទិញយកភាគហ៊ុនរបស់អម្រឹតចំនួន៨០%ក្នុងទឹកប្រាក់ប្រមាណ៤៣៥លានដុល្លារនៅឆ្នាំទី១ ហើយនៅឆ្នាំទី២ទិញយកភាគហ៊ុនចំនួន១០%ទៀត ចំណែកឆ្នាំទី៣នឹងទិញផ្ដាច់យក១០%ទៀតដើម្បីបង្រ្គប់១០០%។
គួរបញ្ជក់ផងដែរថាគិតត្រឹមដំណាច់ឆ្នាំ២០២៣កន្លងទៅគ្រឹះស្ថានមីក្រូហិរញ្ញវត្ថុអម្រឹតមានបណ្ដាញសាខាចំនួន១៥០សាខាទូទំាង២៤ខេត្តនៅប្រទេសកម្ពុជាជាមួយនឹងទ្រព្យសកម្មប្រមាណ២ពាន់លានដុល្លារអាមេរិក៕