ភាពខ្ជិលគឺកើតឡើងចំពោះមនុស្សគ្រប់រូបគ្រាន់តែតិចឬច្រើនតែប៉ុណ្ណោះ ហើយវាកើតឡើងមិនចំពោះថាអ្នកជានរណា ឬអ្នកមានជីវិតបែបណានោះទេ។ ប៉ុន្តែបើស្ទើរគ្រប់ពេលក្នុងមួយថ្ងៃៗសុទ្ធតែជា“ថ្ងៃខ្ជិល”នោះប្រាកដជាមានបញ្ហា។ ខាងក្រោមនេះ គឺជាក្បាច់ពិសេស៦ ជួយឲ្យអ្នកក្លាយជាមនុស្សឧស្សាហ៍ឡើងវិញ និងបង្កើតលទ្ធផលច្រើនទ្វេរដង៖

១/. ស្វែងរកដើមចមនៃភាពខ្ជិល៖ មនុស្សត្រូវការសម្រាក តែបើអ្នកមានអារម្មណ៍ធុញទ្រាន់ជាមួយការងារ ឬព្យាយាមអូសបន្លាយពេលរហូតនោះ វានឹងក្លាយជាបញ្ហាធំ។ ចូរធ្វើការស្វែងរកមូលហេតុ និងដើមចមនៃភាពខ្ជិលច្រអូសរបស់អ្នក ព្រោះវាអាចជួយអ្នកក្នុងការផ្លាស់ប្តូរភាពខ្ជិល ដើម្បីក្លាយជាមនុស្សដែលមានប្រសិទ្ធភាព និងមានភាពស្វាហាប់ជាងមុន។

២/. ស្វែងរកចំណង់ចំណូលចិត្តរបស់អ្នកចំពោះការងារ៖ អ្នកបានចាប់ផ្តើមធ្វើអ្វីដែលអ្នកធ្វើដោយសារវាជាកាតព្វកិច្ចដែលត្រូវបំពេញ។ ប៉ុន្តែពេលខ្លះសូម្បីតែកិច្ចការដែលអ្នកស្រលាញ់បំផុតក៏អាចក្លាយជារឿងពិបាកនិងបង្កជាភាពមមាញឹកផងដែរ។ នៅពេលរឿងនេះកើតឡើង ចូរសួរខ្លួនអ្នកពីមូលហេតុដែលអ្នកចាប់ផ្តើមធ្វើវាតាំងពីដំបូង។

៣/.​ បំបែកពេលវេលា៖ មនុស្សធ្វើការកាន់តែមានប្រសិទ្ធភាពនៅពេលពួកគេមានពេលសម្រាកគ្រប់គ្រាន់។ ធ្វើការក្នុងរយៈពេលខ្លី ផ្តោតការយកចិត្តទុកដាក់ គឺមានប្រសិទ្ធភាពជាងការព្យាយាមដាក់ការងារច្រើនហើយប្រើរយៈពេលវែង។ អ្នកមិនត្រឹមតែសប្បាយចិត្តនឹងសមិទ្ធផលនៃអ្វីដែលអ្នកបានសម្រេចប៉ុណ្ណោះទេ ប៉ុន្តែអ្នកនឹងមានអារម្មណ៍រីករាយ និងកាន់តែមានថាមពលបន្ទាប់ពីបញ្ចប់កិច្ចការទាំងនោះ។

៤/. ស្វែងរកវិធីដែលអ្នកអាចធ្វើកិច្ចការបានកាន់តែមានប្រសិទ្ធភាព៖ ប្រសិនបើអ្នកអាចរកវិធីល្អប្រសើរជាងមុនក្នុងការបំពេញភារកិច្ច អ្នកទំនងជានឹងរីករាយ ព្រោះអ្នកមិនគ្រាន់តែបំពេញភារកិច្ចដោយជោគជ័យតាមពេលវេលាកំណត់នោះទេ។ លើសពីនេះ ចូរប្រើគំនិតច្នៃប្រឌិតនិងការស្រមើលស្រមៃរបស់អ្នកឱ្យមានប្រសិទ្ធភាពបំផុត។ វានឹងធ្វើឱ្យអ្នកមានអារម្មណ៍ធូរស្បើយពីការងារហើយប្រហែលជារីករាយនឹងការងារនេះថែមទៀត។

៥/. សុំជំនួយ ឬការគាំទ្រ៖ ពេលខ្លះយើងគ្រាន់តែត្រូវការការបម្រុងទុកបន្តិចបន្តួច។ គ្មានអ្វីខុសទេក្នុងការស្នើសុំជំនួយពីមិត្តរួមការងារ មិត្តភក្តិ ឬសមាជិកគ្រួសារដែលមានការជំរុញទឹកចិត្ត។ នេះជាវិធីមានប្រយោជន៏ដើម្បីធ្វើឱ្យអ្នកកាន់តែប្រសើរ និងផ្លាស់ប្តូរពីស្ថានភាពអាប់អួរ ព្រោះពួកគេនឹងជំរុញអ្នកឱ្យបំពេញភារកិច្ចទាំងនោះ។

៦/. គិតអំពីមូលហេតុដែលអ្នកមិនចង់ធ្វើកិច្ចការនេះ៖ ជំនួសឱ្យការគិតអំពីមូលហេតុដែលអ្នកមិនចង់បំពេញភារកិច្ចសូមគិតអំពីអត្ថប្រយោជន៍។ តាមរយៈការប្រែក្លាយភាពអវិជ្ជមានទៅជាភាពវិជ្ជមាន អ្នកនឹងមានអារម្មណ៍ធូរស្រាល ហើយមើលឃើញខ្លួនឯងកាន់តែមានប្រយោជន៍។

យ៉ាងណាមិញ ចូរយកក្តីស្រមៃធ្វើជាម៉ោងរោទ៍ យកការតស៊ូធ្វើជាសង្សារ អ្នកស្រលាញ់លទ្ធផលកាន់តែខ្លាំងប៉ុនណា ភាពខ្ជិលច្រអូសកាន់តែមិនហ៊ានចូលចិត្តអ្នកប៉ុននោះដែរ៕

អត្ថបទដោយ៖ កាន់ ដារ៉ា (ស្មេរពនេចរ) សៀវភៅ «ច្រវាក់ប្រាក់ខែ» (កសាងក្ដីស្រមៃនៅកន្លែងការងារ ចេះបង្កើតចំណូលច្រើនប្រភព) តម្លៃពិសេសត្រឹម ១២$ ប៉ុណ្ណោះ។ បញ្ជាទិញតាម