រឿងដ៏គួរឲ្យភ្ញាក់ផ្អើល កាលពីពេលថ្មីៗនេះ ក្រុមហ៊ុន Neuralink របស់មហាសេដ្ឋី Elon Musk និងក្រុមអ្នកវិទ្យាសាស្ត្រចិន បានធ្វើការសាកល្បងដាំបន្ទះឈីបលើខួរក្បាលមនុស្សរស់ជោគជ័យ។ នេះបើតាមការចុះផ្សាយពីទីភ្នាក់ងារសារព័ត៌មាន Reuters នាថ្ងៃទី៣០ ខែមករា ឆ្នាំ២០២៤។

ក្នុងនោះតាមការឲ្យដឹងពីក្រុមហ៊ុន Neuralink បានបង្ហាញគោលដៅអនាគតរបស់ខ្លួនថា ការដាំបន្ទះឈីបលើខួរក្បាលវានឹងនាំអត្ថប្រយោជន៍ធំៗចំនួន០៤ ជូនពិភពលលោកគឺ៖

១/. ចង់ឱ្យមនុស្សពិការភ្នែកពីកំណើត ឬពិការភ្នែកដោយចៃដន្យ អាចមើលឃើញឡើងវិញ ដោយប្រើតាមរយៈឧបករណ៍ជំនួយជាមួយការបញ្ជាពីបន្ទះឈីបដែលបានដាំលើខួរក្បាល។

២/. ជនពិការ ឬក៏ខ្វិនពីកំណើត នឹងអាចដើរឡើងវិញ ដោយត្រូវដាំបន្ទះឈីបខួរក្បាលដើម្បីស្តារមុខងារពេញលេញនៃរាងកាយ (នេះគឺសម្រាប់អ្នកដែលខូតខាតប្រព័ន្ធបញ្ជាខួរឆ្អឹងខ្នង)។

៣/. បន្ទះឈីបខួរក្បាលនេះ នឹងអនុញ្ញាតឱ្យអ្នកប្រើប្រាស់ទាំងឡាយអាចធ្វើប្រាស្រ័យទាក់ទងគ្នាដោយផ្ទាល់ជាមួយកុំព្យូទ័រ ដោយគ្រាន់តែប្រើតាមរយៈការគិតរបស់ពួកគេប៉ុណ្ណោះ (មិនចាំបាច់ធ្វើចលនារាងកាយ)។

៤/. ដោនឡូត និងរក្សាអង់ចងចាំរបស់មនុស្ស ទុកសម្រាប់ដាក់រាងកាយថ្មី (នៅមានអត្ថប្រយោជន៍ច្រើនទៀតដែលមិនទាន់រៀបរាប់)។

គួរជម្រាបផងដែរ Neuralink គឺជាឧបករណ៍ដាំលើលលាដ៏ក្បាលមួយ ក្នុងនោះមានបន្ទះឈីបជាមួយនឹងខ្សែអេឡិចត្រូតតូចៗ ដែលវាមានសមត្ថភាពអាចភ្ញោចណឺរ៉ូននៅក្នុងខួរក្បាលរបស់មនុស្សបាន។ ហើយដំណើរការនៃគម្រោងនេះនៅថ្ងៃអនាគតគឺជួយដល់មនុស្សដែលមានបញ្ហាសរសៃប្រសាទដូចជា៖  បាត់ការចងចាំ ថ្លង់ ពិការភ្នែក ខ្វិន បាក់ទឹកចិត្ត ដេកមិនលក់ ឈឺចាប់រាំរៃ ប្រកាច់ ថប់អារម្មណ៍ បញ្ហាញៀននឹងអ្វីមួយ ដាច់សរសៃឈាម ខួរក្បាល និង បញ្ហាខូចខួរក្បាល។

នៅក្នុងខែកញ្ញា ក្រុមហ៊ុន Neuralink ទទួលបានការយល់ព្រមពីរដ្ឋាភិបាល សម្រាប់ការជ្រើសរើសយកមនុស្សមកធ្វើការសាងល្បងគម្រោងរបស់ខ្លួនជាលើកដំបូង ខណ:ក្រុមហ៊ុននេះ ក៏បាននិយាយទៀតថា ការសិក្សានេះ គឺត្រូវប្រើមនុស្សយន្តដើម្បីធ្វើការវះកាត់ ដាក់បន្ទះឈីបនៅក្នុងខួរក្បាលរបស់មនុស្ស ហើយបន្ទះឈីបនេះ គឺមានសមត្ថភាពខ្លាំងដែលអាចឲ្យមនុស្សធ្វើការគ្រប់គ្រងគ្រឿងអេឡិចត្រូនិក ឬកុំព្យូទ័របាន ដោយត្រឹមតែប្រើការគិតរបស់ពួកគេប៉ុណ្ណោះ៕

អត្ថបទដោយ៖ កាន់ ដារ៉ា (ស្មេរពនេចរ) 

សៀវភៅ «ច្រវាក់ប្រាក់ខែ» (កសាងចំណូលច្រើនប្រភពលើសពីប្រាក់ខែ)  តម្លៃពិសេសត្រឹម ១២$ ប៉ុណ្ណោះ។

កក់តាម  https://t.me/hangchhengH24