យោងតាមការចេញរបស់ក្រសួងអប់រំ យុវជន និងកីឡា កាលពីថ្ងៃទី២២ ខែកញ្ញា បានឱ្យដឹងថា “យុវសិស្ស រ៉ាឌី ភានុមា នៃសាលារៀនជំនាន់ថ្មី វិទ្យាល័យព្រះស៊ីសុវត្ថិ និងជាវិស្វករវ័យក្មេងកម្ពុជា ទទួលបានជោគជ័យក្នុងការប្រឡងជាប់សញ្ញាបត្រ Solid Edge កម្រិត Expert ពីក្រុមហ៊ុន Siemens និងជោគជ័យក្នុងការផលិត SCARA Robot។ បច្ចុប្បន្ន ភានុមា កំពុងសិក្សាគម្រោងមួយទៀត គឺការឌីហ្សាញ និងផលិតដៃរ៉ូបូតសម្រាប់លើកដាក់ក្នុងសង្វាក់ផលិតកម្មជាក់ស្តែង ដែលដៃរ៉ូបូតនោះ មានទំហ៊ំធំជាកម្រិតឧស្សាហកម្មតែម្តង។”

គួរជម្រាបផងដែរថាកុមារឌីជីថល រ៉ាឌី ភានុមា បានឌីហ្សាញ និងផលិត Robot Scara ដែលបម្រើក្នុងខ្សែសង្វាក់ផលិតកម្ម ក្នុងមុខងារលើក និងដាក់។ ភានុមា ក៏ដូចជាយុវជនជាច្រើនរូបផ្សេងទៀត បាននិងកំពុងទទួលការបណ្ដុះបណ្ដាលលើជំនាញបច្ចេកវិទ្យាសំខាន់ៗ ជាមួយ STEAMING Cambodia ដើម្បីកសាងសមត្ថភាពឌីជីថលក្នុងបដិវត្តន៍ឧស្សាហកម្ម ៤.០៕

អត្ថបទដោយ៖ ពីង ជូអេង