ពាក្យថាចេញរកស៊ីខ្លួនឯង មិនមែនជារឿងស្រួលទេ ប៉ុន្តែវានឹងធ្វើឱ្យអ្នករស់ស្រួលប្រសិនបើអ្នកជាប្រភេទមនុស្សដែលចេះអត់ធ្មត់ក្នុងអាជីវកម្ម មានទំនួលខុសត្រូវ និងពូកែលក់។ ប៉ុន្តែបើអ្នកកំពុងស្ថិតនៅជំពូកមនុស្ស៤ប្រភេទ នេះវិញ អ្នកមិនគួរចេះរកស៊ីខ្លួនឯងទេ ពោលពិបាករីកចម្រើនណាស់។ ដោយក្នុងនោះរួមមាន៖
១. មនុស្សដែលរំពឹងចង់ក្លាយជាអ្នកមានពេញមួយយប់
មាគ៌ាឆ្ពោះទៅរកភាពជោគជ័យនៃការបើកអាជីវកម្មមួយ គឺជាផ្លូវដ៏វែងឆ្ងាយ។ គោលដៅនៃការបើកអាជីវកម្មច្រើនតែចង់ក្លាយជាអ្នកមាន ប៉ុន្តែវាប្រហែលជានឹងមិនកើតឡើងពេញមួយយប់ទេ។ តាមពិតទៅ វាអាចនឹងមានរយៈពេលយូរ មុនពេលដែលអ្នកទទួលបានផលចំណេញ។
២. មនុស្សដែលចូលចិត្តគិត តែមិនព្រមធ្វើ
ទាំងនេះគឺជាមនុស្សដែលតែងតែហៅខ្លួនឯងថា "មនុស្សមានគំនិត" ដែលចូលចិត្តនិយាយតែអំពីចក្ខុវិស័យ ហើយទុកការអនុវត្តទៅមនុស្សមួយចំនួនតូច។ ដូច្នេះវាមិនមានអ្វីដែលចំឡែកទេដែលគំនិតនៅតែជាគំនិត ហើយលទ្ធិផលក៏នៅតែក្នុងការគិតដែរ ជាក់ស្តែងធាតុពិតមិនមានអ្វីទាំងអស់។
៣. មនុស្សដែលមិនចូលចិត្តការសម្រេចចិត្ត
ការសម្រេចចិត្តសម្រាប់ម្ចាស់អាជីវកម្មគឺជៀសមិនរួចសូម្បីតែការជ្រើសរើសទីតាំង បង្កើតហាង ជ្រើសរើសបុគ្គលិក ការចំណាយ ការរៀបចំហាង ការជ្រើសរើសបុគ្គលិក ការចាយវាយផ្សេងៗ សុទ្ធតែត្រូវការម្ចាស់អាជីវកម្មផ្ទាល់ជាអ្នកសម្រេចទាំងអស់។ ពិតណាស់អ្នកអាចជួលបុគ្គលិកឱ្យធ្វើការងារជំនួសអ្នកបាន ប៉ុន្តែសម្រាប់ការងារធំៗ បុគ្គលិកមិនមែនជាអ្នកសម្រេចធ្វើទេ ពោលគឺជាអ្នកដែលត្រូវសម្រេចចិត្ត។
៤.មនុស្សដែលមិនចូលចិត្តចេញក្រៅច្រើន
អ្នកមិនចេញក្រៅ អ្នកមិនដឹងទេថា សង្គមយើងដើរដល់ចំណុចណានោះទេ បើអ្នកនៅតែសង្ងំធ្វើតែរឿងដដែល មិនព្រមដើរតាមពិភពលោកនោះទេ ច្បាស់ណាស់ពិភពលោកនឹងដើរទៅមុនអ្នកជាពុំបាន។ ឧទារហណ៍ថា ពីមុនមនុស្សលក់តែចាប់ហួយក៏អាចរកប្រាក់បានច្រើនដែរ តែសម័យថ្មីនេះមនុស្សចូលម៉ាតច្រើន ដូច្នេះបើអ្នកមិនព្រមអាប់ឌែត មើលពីបរិបទជុំវិញខ្លួនទេ នោះអ្នកនឹងចាញ់គេ៕
