ធនាគារ វីង ជាធនាគារពាណិជ្ជដ៏ធំបំផុតមួយនៅកម្ពុជាបានបន្តពង្រីកកេរ្តិ៍ឈ្មោះរបស់ខ្លួនតាមរយៈការចាប់ដៃសហការជាមួយក្រុមចម្រៀងដ៏ល្បីនៅប្រទេសកម្ពុជាគឺក្រុម La Cima Cartel ដែលការសហការនេះគឺជាការផ្សារភ្ជាប់ជាមួយយុវវ័យសម័យថ្មីតាមរយៈតន្រ្តី និងវប្បធម៌ក៏ដូចជាបែបផែននៃការរស់នៅក្នុងយុគសម័យហិរញ្ញវត្ថុឌីធីថលទំនើប។

កាលពីថ្ងៃទី៥ ខែកញ្ញា ឆ្នាំ២០២៥ កន្លងទៅនេះ ធនាគារ វីង និងក្រុមហ៊ុន Plus 855 Music ដែលជាផលិតកម្មគ្រប់គ្រងក្រុមចម្រៀង La Cima Cartel បានប្រកាសជាផ្លូវការនូវក្រុមចម្រៀង La Cima Cartel បានក្លាយជាទូតសុច្ឆន្ទៈជាផ្លូវការរបស់ធនាគារ វីង។ ហើយការសហការវាងធនាគារ វីង និងក្រុម La Cima Cartel បាននាំយកនូវគំនិតអប់រំល្អៗនៃការប្រើប្រាស់សេវាហិរញ្ញវត្ថុ។ ជាពិសេសជួយជំរុញវប្បធម៌ខ្មែរទៅកាន់ប្រជាជនខ្មែរក៏ដូចជាពិភពលោកទាំងមូលតាមរយៈតន្រ្តី។

 ការសហការធនាគារ វីង ជាមួយក្រុមចម្រៀង La Cima Cartel ដែលជាក្រុមចម្រៀងវ័យក្មេងគឺជាការផ្សារភ្ជាប់ជាមួយនឹងយុវវ័យសម័យថ្មី តន្រ្តី វប្បធម៌ និងបែបបទនៃការរស់នៅនៃមនុស្សសម័យថ្មី ហើយសកម្មភាពនេះ ធនាគារ វីង បានបង្ហាញការគាំទ្រសិល្បករ តន្រ្តី និងយុវជននៅក្នុងសម័យហិរញ្ញវត្ថុឌីជីថល។

មិនតែប៉ុណ្ណោះ តាមរយៈសេវាហិរញ្ញវត្ថុឌីជីថលរបស់ធនាគារ វីង ក៏បានផ្ដល់ឱកាសដល់យុវជន អ្នកផលិតមាតិកា និងសហគ្រិនបានចូលរួមបញ្ចេញទេពកោសល្យ ចំណេះ ជំនាញក៏ដូចជាបទពិសោធន៍របស់ខ្លួនដើម្បីចែករំលែក និងបង្ហាញទៅដល់ប្រជាជនខ្មែរ។

អ្វីដែលកាន់តែពិសេសនោះគឺឆាប់ៗខាងមុខនេះ ធនាគារ វីង នឹងរៀបចំកម្មវិធី” Meet & Greet” ដែលអ្នកគាំទ្រអាចចូលរួមហើយបានជួបជាមួយក្រុម La Cima Cartel ដែលជា Idol របស់ពួកគាត់ផ្ទាល់។ ជាពិសេនៅកម្មវិធី” Meet & Greet” នឹងមានបង្ហាញវីដេអូតន្រ្តីពេញ (Full Music Video) ដែលធនាគារ វីង បានសហការធ្វើជាមួយក្រុម La Cima Cartel ផ្ទាល់។ ចង់ដឹងព័ត៌មានលម្អិតពីកម្មវិធី” Meet & Greet” អាចចូលកាន់ហ្វេសប៊ុកផេក Wing Bank។

គួរបញ្ជាក់ផងដែរថា ធនាគារ វីង គឺជាធនាគាររបស់ខ្មែរយើង១០០% ហើយធនាគារបានបម្រើសេវាហិរញ្ញវត្ថុ និងធនាគារជូនប្រជាជនខ្មែរជាងា១៧ឆ្នាំមកហើយ។

“ជាមួយធនាគារ វីង អនាគតពិតជាមានសម្រាប់អ្នកដែលហ៊ានពុះពារ ហើយជាមួយធនាគារវីងនឹងជំរុញគោលដៅរបស់អ្នកឲ្យឆ្ពោះទៅមុខជានិច្ច”។