Yagi គឺជាព្យុះដ៏មានឥទ្ធិពលបំផុតនៅអាស៊ីក្នុងឆ្នាំនេះ ដោយគិតត្រឹមថ្ងៃទី ១៣ ខែ កញ្ញា ឆ្នាំ២០២៤ វាបានបោកបក់បំផ្លិចបំផ្លាញ ធនធានជាតិនិងបានសម្លាប់មនុស្សរាប់សិបនាក់ នៅបណ្តាប្រទេសធំៗចំនួន៦ ដូចជាប្រទេស ចិន ហ្វីលីពីន វៀតណាម ថៃ មីយ៉ាន់ម៉ា និងឡាវ។

យ៉ាងណាមិញ ព្យុះទីហ្វុង Yagi ក៏ដូចជាព្យុះស៊ីក្លូនត្រូពិចផ្សេងទៀតដែរ វាបង្កើតឡើងដោយសារតែ “លក្ខខណ្ឌបរិស្ថានជាក់លាក់”។ សីតុណ្ហភាពផ្ទៃសមុទ្រក្តៅ (ជាធម្មតាលើសពី ២៦.៦ អង្សាសេ) ដោយបណ្តាលឱ្យទឹកហួត។ នៅពេលដែលខ្យល់ក្តៅ សំណើមកើនឡើង វាចាប់ផ្តើមចុះត្រជាក់ ហើយចំហាយទឹកបានប្រមូលផ្តុំទៅជាពពក បញ្ចេញកម្តៅដែលផ្តល់ថាមពលដល់ប្រព័ន្ធព្យុះបន្ថែមទៀត។

គួរជម្រាបផងដែរថា ព្យុះ Yagi បានធ្វើឲ្យបាក់ដីយ៉ាងខ្លាំងនៅអាស៊ីបូព៌ាក្នុងឆ្នាំ ២០១៨ ដោយនាំមកនូវការធ្លាក់ភ្លៀងជោគជាំ និងខ្យល់បោកបក់ដ៏កាចសាហាវ។ ខណៈក្នុងឆ្នាំ ២០២៤នេះ វាបានសម្លាប់មនុស្សរាប់រយនាក់ និងមានប្រជាជនរាប់សិនម៉ឺននាក់ត្រូវជម្លៀសខ្លួនចេញពីលំនៅដ្ឋានទៅរកទីទួលសុវត្ថិភាពភ្លាមៗ៕