គ្រប់ការរកស៊ីលក់ដូរទាំងអស់ តែងរំពឹងនៅប្រាក់ចំណេញ ដូច្នេះហើយដើម្បីអាចចំណេញបានច្រើនលុះតែការលក់ចេញវិញមានតម្លៃថ្លៃជាងតម្លៃទិញចូលច្រើនដូចគ្នា ប៉ុន្តែក្នុងករណីការលក់ចេញមានតម្លៃខ្ពស់ពេក ហើយកន្លែងគេថោកជាងក៏មិនកើត។ ដំណោះស្រាយដ៏ល្អបំផុតនោះគឺស្វែងទិញទំនិញដែលមានតម្លៃនាំចូលធូរៗ។

ទន្ទឹមនឹងនេះដែរថ្ងៃនេះ Business Cambodia សូមលើកយកទីតាំងសំខាន់ៗចំនួនពីរ ដែលបងប្អូនយកទៅលក់ដឹងតែចំណេញ ហើយមិនបារម្ភថាលក់ថ្លៃជាងគេទៀត។ ក្នុងនោះរួមមាន៖

១. ទិញដល់រោងចក្រ

ការទិញទំនិញដល់រោងចក្រផ្ទាល់វាពិតជាផ្តល់ផលចំណេញច្រើនមែនទែន ព្រោះថាបើអ្នកយកទំនិញពីតូបឬហាងផ្សេងៗមក វាអាចជាទំនិញដៃទីមួយ ឬទីពីរមកហើយដែលគេចំណេញពីរបីបួនតង់រួចមកហើយ ដូច្នេះបើអ្នកយកអីវ៉ាន់មកលក់ច្រើនតង់បែបនេះ​  ផលចំណេញគឺតិចតួចខ្លាំងមែនទែន ប៉ះចំទំនិញលក់អត់ចេញទៀត ទឹកភ្នែកជាមិនខាន។

២.ដើម្បីកាន់តែស៊ីជម្រៅ ត្រង់ចំណុចនេះ ឧទាហរណ៍ថា អ្នកចង់នាំចូលទឹកត្រី អ្នកគួរតែទៅដល់ទីតាំងផ្ទាល់ ឬតាមរយៈការឆាត ខល ឱ្យគេដឹកមកឱ្យក៏បាន។

២. នាំចូលខ្លួនឯង

ពិតមែនទៅ មិនមែនគ្រប់មុខទំនេញទាំងអស់សុទ្ធតែ មាននៅក្នុងស្រុកទាំងអស់នោះទេ ដូច្នេះហើយអ្នកត្រូវនាំចូលដោយខ្លួនឯង ទើបចំណេញ ព្រោះបើឱ្យគេជួយទិញឱ្យ ឬយកពីគេមកលក់ត នោះគេបានគិតថ្លៃចំណេញពីលើរួចហើយ។ តែទោះបីជាចំណេញយ៉ាងណាក៏ដោយក្តី ប្រសិនបើអ្នកមិនដឹងថាពីរបៀបទិញ របៀបដឹក គួរតែកំុសាកល្បងអី ព្រោះថាវាអាចធ្វើឱ្យថ្លៃនាំចូលថ្លៃជាងទិញទៀតក៏ថាបាន ម៉្លោះហើយជាដំណោះស្រាយ គឺអ្នកគួរតែរៀនសិន សឹមធ្វើទើបវាមិនសូវមានហានិភ័យ៕