ក្រុមហ៊ុនផលិតរថយន្តអគ្គិសនីវៀតណាម VinFast បានប្រកាសប្រមូលរថយន្ត EV ម៉ូឌែល VF8 ដំបូងទាំងអស់របស់ខ្លួនដែលបានដឹកជញ្ជូនទៅកាន់សហរដ្ឋអាមេរិកកាលពីឆ្នាំមុនត្រឡប់ទៅវិញ បន្ទាប់ពីមានការព្រមានអំពីសុវត្ថិភាពពីអាជ្ញាធរសហរដ្ឋអាមេរិក។នេះបើយោងតាមការចុះផ្សាយរបស់សារព័ត៌មាន Channel News Asia កាលពីម្សិលមិញនេះ។
ការផ្លាស់ប្តូរនេះបានកើតឡើងបន្ទាប់ពីរដ្ឋបាលសុវត្ថិភាពចរាចរណ៍ផ្លូវ Highway របស់អាមេរិក (NHTSA) បាននិយាយថា “៩៩៩ នៃរថយន្ត VF8 របស់ក្រុមហ៊ុន VinFast បានទទួលរងនៅកំហុសផ្នែកទន់នៅលើផ្ទាំងគ្រប់គ្រងព័ត៌មានសុវត្ថុភាព (Dashboard Display Error) ដែលអាចបង្កើនហានិភ័យគ្រប់ពេល”។
បន្ទាប់ពីរកឃើញមានបញ្ហានេះ អ្នកនាំពាក្យក្រុមហ៊ុន VinFast បាននិយាយថាក្រុមហ៊ុននឹងចេញការឆ្លើយតបនៅពេលក្រោយ ហើយចំឡែកឯកសារដែលបានដាក់ទៅ NHTSA វិញក្រុមហ៊ុន VinFast បានឱ្យដឹងថា ខ្លួនទើបតែបានដឹងលើកដំបូងដូចគ្នាអំពីបញ្ហានេះ ខណៈពេលដែលកំពុងអានមតិយោបល់ និងកង្វល់របស់អតិថិជន។
គួរជម្រាបផងដែរថា កាលពីខែកុម្ភៈ ក្រុមហ៊ុន VinFast បានប្រកាសប្រមូលរថយន្ត VF 8 ចំនួន ២,៧៨១ គ្រឿងដែលបានលក់ក្នុងស្រុកជុំវិញបញ្ហាជាមួយនឹងហ្វ្រាំងខាងមុខនៃម៉ូដែលមួយចំនួន៕