សាកលវិទ្យាល័យគឺជាការកន្លែងដែលផ្តល់ការសិក្សាកម្រិតថ្នាក់ឧត្តមសិក្សាលើមុខជំនាញឯកទេសណាមួយរបស់និស្សិត។ ក្នុងនោះមានសាកលវិទ្យាល័យល្បីៗនិងមានកេរ្តិ៍ឈ្មោះច្រើនណាស់នៅកម្ពុជា ប៉ុន្តែថ្ងៃនេះ Business Cambodia សូមបង្ហាញអំពីសាកលវិទ្យាល័យដែលលេចធ្លោនិងឈានមុខបំផុតចំនួន៣ឈរជើងនៅស្រុកខ្មែរដែលមានកិត្យានុភាពកម្រិតអន្តរជាតិ បានធ្វើឱ្យនិស្សិតភាគច្រើនចង់ចូលរៀន។
១. CamEd Business School៖ គឺជាវិទ្យាស្ថានដែលល្បីឈ្មោះលើជំនាញសិក្សាថ្នាក់បរិញ្ញាបត្រផ្នែកគណនេយ្យ និងហិរញ្ញវត្ថុ។ នៅសាលានេះក្រោយបញ្ចប់ការសិក្សា និស្សិតអាចទទួលបានសញ្ញាបត្រពីរក្នុងពេលតែមួយ ពោលគឺបរិញ្ញាបត្រផ្នែកគណនេយ្យនិងហិរញ្ញវត្ថុ១ និងសញ្ញាបត្រអន្តរជាតិពីចក្រភពអង់គ្លេស និងទទួលស្គាល់ ១៨៣ ប្រទេសនៅក្នុងពិភពលោក១ទៀត។ ដូច្នេះបើតាមរយៈគេហទំព័រផ្លូវការសាលា បានឱ្យដឹងថា សម្រាប់តម្លៃសិក្សានៅ CamEd គឺចន្លោះពី២៨០០$ ដល់ ៣២០០$ ក្នុងមួយឆមាសសិក្សា។
២. AUPP University៖ គឺសាកលវិទ្យាល័យស្តង់ដារអាមេរិកាំងនៅភ្នំពេញ ដោយរាល់និស្សិតដែលបញ្ចប់បរិញ្ញាបត្រពីសាកលវិទ្យាល័យនេះ នឹងទទួលបានសញ្ញាបត្រ ចំនួនពីរក្នុងពេលតែមួយ គឺសញ្ញាបត្រទី១ បានពីសាកលវិទ្យាល័យអាមេរិកាំងភ្នំពេញនេះផ្ទាល់តែម្ដង និងសញ្ញាបត្រ១ទៀត គឺទទួលបានបានពីសាកលវិទ្យាល័យនៅសហរដ្ឋអាមេរិក។ ដូច្នេះបើតាមរយៈគេហទំព័រផ្លូវការសាលាបានឱ្យដឹងថា សម្រាប់តម្លៃសិក្សានៅ AUPP គឺចន្លោះពី ៣០០០$(សម្រាប់សញ្ញាបត្រ១) និង៤៥០០$ (សម្រាប់សញ្ញាបត្រ២) ។
៣. Paragon International University៖ គឺជាសាកលវិទ្យាល័យឯកជនមួយដែលមានសាកលវិទ្យាល័យបរទេសជាដៃគូ ច្រើននៅតាមប្រទេសជុំវិញពិភពលោក ខណៈសាកលវិទ្យាល័យនេះគឺបង្រៀនជាភាសាអង់គ្លេសលើមុខជំនាញច្រមុះ។ ដូច្នេះបើតាមរយៈគេហទំព័រផ្លូវការសាលាបានឱ្យដឹងថា សម្រាប់តម្លៃសិក្សានៅ ParagonU គឺចន្លោះពី៣៥០០$ ដល់៤៥០០$ តាមមុខជំនាញនិងកម្រិតសញ្ញាបត្រ។
សូមបញ្ជាក់ថាចំពោះតម្លៃសិក្សាខាងលើនេះអាចមានការប្រែប្រួលទៅតាមស្ថានភាពនិងការផ្លាស់ប្តូរនានារបស់សាលានីមួយៗ។ ដូច្នេះប្រសិនជាត្រូវការព័ត៌មានលម្អិត លោក-លោកស្រី អាចចូលទៅកាន់គេហទំព័រផ្លូវការរបស់សាលាឬសាកសួរព័ត៌មានដោយផ្ទាល់៕
អត្ថបទដោយ៖ ពីង ជូអេង
