ដោយសារតែតម្លៃប្រេងម៉ាស៊ូតមានការឡើងថ្លៃកាន់តែខ្ពស់ រដ្ឋបាលលោក Donald Trump បានស្នើឲ្យប្រទេសនៅអឺរ៉ុបបញ្ចេញស្ដុកប្រេងម៉ាស៊ូតសម្រាប់ផ្គត់ផ្គង់ទីផ្សារដើម្បីទម្លាក់តម្លៃប្រេងម៉ាស៊ូតខណៈបច្ចុប្បន្នតម្លៃប្រេងម៉ាស៊ូតឡើងថ្លៃខ្លាំង។

 បើយោងតាមការចុះផ្សាយរបស់AlJAZEERA លោក Donald Trump បានប្រាប់អ្នកសារព័ត៌មានថារដ្ឋាបាលរបស់គាត់នឹងស្នើឲ្យប្រទេសនៅអឺរ៉ុបបញ្ចេញស្ដុកប្រេងម៉ាស៊ូតទៅលើទីផ្សារសកលបន្ទាប់ពីលោក Scott Bessent រដ្ឋលេខធិកានៃរតនាគាររបស់អាមេរិកបានអំពាវនាវឲ្យអឺរ៉ុបបញ្ចេញស្ដុកប្រេងម៉ាស៊ូជាបន្ទាន់។

លោក Scott Bessent រដ្ឋលេខធិកានៃរតនាគាររបស់អាមេរិកបានមានប្រសាសន៍ថា” ដៃគូយើងនៅអឺរ៉ុបគួរតែពន្លឿនការប្ដេជ្ញាចិត្តក្នុងការបញ្ចេញស្ដុកប្រេងម៉ាស៊ូតដែលមានស្រាប់ដើម្បីផ្គត់ផ្គង់ទីផ្សារឲ្យបានឆាប់ខណៈតម្លៃប្រេងម៉ាស៊ូតកាន់តែឡើងថ្លៃ”។

ចំណែកលោក Chris Wright រដ្ឋេលេខាធិការក្រសួងថាមពលរបស់អាមេរិកបានឲ្យដឹងថាលោកមានទំនុកចិត្តខ្ពស់ដែលប្រទេសនៅអឺរ៉ុបនឹងបញ្ចេញស្ដុកប្រេងម៉ាស៊ូតដើម្បីបញ្ឈប់ការឡើងថ្លៃនៃប្រេម៉ាស៊ូតដែលកំពុងឡើងថ្លៃជាសកល។

គួរបញ្ជាក់ផងដែរថាតម្លៃប្រេងម៉ាស៊ូតនៅទីផ្សារសហរដ្ឋអាមេរិនៅសប្ដាហ៍ចុងក្រោយនេះឡើងថ្លៃដល់៦.៥៣ដុល្លារក្នុងមួយGallon។ ចំណែកតម្លៃប្រេងម៉ាស៊ូតនៅទីផ្សារស្រុកយើងត្រូវបានរដ្ឋកំណត់ឲ្យដាក់លក់ក្នុងតម្លៃ៥.៦៥០រៀលក្នុងមួយលីត្រ៕