ការចូលរួម​របស់​ក្រុមហ៊ុន Panasonic Cambodia ក្នុងកម្មវិធី 'Together Action for SDGs នេះ​បានបង្ហាញអំពីការគាំទ្រគោលដៅអភិវឌ្ឍន៍ប្រកបដោយចីរភាព និងការប្តេជ្ញាចិត្តរបស់ Panasonic ក្នុងការជំរុញអនាគតប្រកបដោយនិរន្តរភាព។

កម្មវិធីនេះបាន​​ធ្វើឡើងក្នុងរយៈពេលបីថ្ងៃ និង​បានចូលរួមរៀបចំដោយ United Nations in Cambodia និង AEON MALL Cambodia ។ ​នៅ​ក្នុងថ្ងៃ​កម្មវិធីរួមមាន​កិច្ចពិភាក្សា និង​សកម្មភាព​ផ្សេងៗ​ដែល​ ដែលទាក់ទងទៅនឹង​ គោលដៅអភិវឌ្ឍន៍ប្រកបដោយចីរភាពទាំង 17។ នៅស្តង់ Panasonic ក៏មាន​អ្នកចូលរួមជាច្រើន​នាក់ចូលរួមស្វែង យល់អំពីការអនុវត្តអាជីវកម្មប្រកបដោយនិរន្តរភាពរបស់ក្រុមហ៊ុន ទូទាំងសកល ព្រមទាំងកម្ពុជាផងដែរ។

Panasonic Kids School: ជំរុញការសិក្សាស្តីពីនិរន្តរភាព វិទ្យាសាស្ត្រ និងការច្នៃប្រឌិតនាឱកាសនេះ​ ក្រុមហ៊ុន​ Panasonic ក៏បាន​ដាក់អោយ​ប្រើប្រាស់​គេហទំព័រ Panasonic Kids School ជាភាសាខ្មែរ​ក្នុងគោលបំណងជំរុញកុមារទាំងអស់​បាន​យល់ដឹង​និង​ចូលរួមពិភាក្សា អំពីបរិស្ថាន, វិទ្យាសាស្ត្រ​និង​ប្រធានបទផ្សេងៗទៀត។

Kids Edition SDGs - Panasonic Kids School - Corporate Citizenship Activities - Sustainability - Panasonic Holdings

លោក​ Hisakazu Maeda ជា​អគ្គនាយក​ប្រចាំ​ប្រទេស​នៃ​ក្រុមហ៊ុន Panasonic Cambodia បានថ្លែងសុន្ទរកថាក្នុងកម្មវិធីអំពីការប្តេជ្ញាចិត្តរបស់ក្រុមហ៊ុនPanasonic ដែលផ្តោតលើការគោរពទៅតាមគោលដៅអភិវឌ្ឍន៍ប្រកបដោយចីរភាព(SDGs) និងគោលដៅកិច្ចសហការរបស់ក្រុមហ៊ុនក្នុងការកសាងសង្គមប្រកបដោយនិរន្តរភាព។

លោកបាននិយាយថា​ “ការចូលរួមជាមួយនឹងកម្មវិធី ‘Together Actions for SDG’ ជាការបង្ហាញពីការប្តេជ្ញាចិត្តរបស់ ក្រុមហ៊ុនPanasonic ក្នុងការអភិវឌ្ឍន៍ SDGs ហើយគោលបំណងរួមរបស់យើងគឺការបង្កើតសង្គមមួយដែលប្រកប​ដោយ​និរន្តរភាព។ Panasonic បានចូលរួមដល់ការជួយសង្គមយ៉ាងសំខាន់ តាមរយៈគម្រោងផ្សេងៗ ដូចជា ការចែកចាយចង្គៀងសូឡា ការដាំដើមឈើដើម្បីថែរក្សាបរិស្ថាន ការលើកស្ទួយវិស័យបាល់ទាត់ ការផ្តល់ជូនមូលនិធិក្នុងសិក្សាដល់សិស្សនិស្សិត ព្រមទាំងកម្មវិធី Kid Witness News ជាដើម។”

លោក Maeda បានពន្យល់បន្ថែមទៀតថា​ “នៅក្រុមហ៊ុនPanasonic យើងជឿថាអនាគតគឺនៅក្នុងដៃរបស់ក្មេងៗជំនាន់ក្រោយ ដូច្នេះហើយទើបពួកយើងបង្កើតគេហទំព័រ Panasonic Kids School ដើម្បីបង្កើនការយល់ដឹង និងការចូលរួមរបស់កុមារ ដើម្បីជួយឱ្យពួកគេក្លាយជាអ្នកថែរក្សាបរិស្ថានបន្តទៅមុខទៀត។”

 ការត្រៀមខ្លួនសម្រាប់អនាគត​ - ការងារសម្រាប់យុវជន និង បម្រែបម្រួលអាកាសធាតុ

នៅថ្ងៃទីពីរ លោកស្រី Nileshika Wijenaike ប្រធានផ្នែកទំនាក់ទំនងរបស់ Panasonic Cambodia បានចូលរួមក្នុងការកិច្ចពិភាក្សាអំពី “ការងារសម្រាប់យុវជន និង បម្រែបម្រួលអាកាសធាតុ” គាត់បានថ្លែងអំពីសារៈសំខាន់ដែលយុវជនត្រូវយល់ដឹងពីការផ្លាស់ប្តូរទីផ្សាររបស់ការងារដោយសារផលប៉ះពាល់ពីបរិស្ថាន។

លោកស្រី Wijenaike បានពន្យល់អំពីកម្មវិធី "Panasonic GREEN IMPACT (PGI)" របស់ក្រុមហ៊ុន Panasonic ដែលមានគោលបំណងកាត់បន្ថយផលប៉ះពាល់ដល់បរិស្ថាន ខណៈពេលចូលរួមកាត់បន្ថយការបញ្ចេញ CO2 នៅក្នុងសង្គម។ គាត់បានផ្ដោតលើការប្តេជ្ញាចិត្តរបស់ Panasonic ក្នុងការបន្តជួយផ្សព្វផ្សាយអំពីការយកចិត្តទុកដាក់ និងជំរុញសកម្មភាពលើបរិស្ថាននៅកម្ពុជា តាមរយៈកម្មវិធីដូចជា Eco Relay និង World Action។

ការបង្ហាញអំពីបច្ចេកវិទ្យាប្រកបដោយនិរន្តរភាពឆ្លើយតបទៅនឹងផលប៉ះពាល់ពិភពលោក

ក្នុងកម្មវិធីនេះ Panasonic បានបង្ហាញអំពីបច្ចេកវិទ្យាទំនើបដែលស្របតាមគោលដៅថែរក្សាបរិស្ថាន ដែលរួមមានឧបករណ៍សន្សំថាមពល និងអំពី​របៀប ដែល​ក្រុមហ៊ុន​បាន​អនុវត្តជាប្រចាំថ្ងៃ។​

ទស្សនវិជ្ជារបស់​ស្ថាបនិក Panasonic បានជឿជាក់ថាការចូលរួមចំណែករបស់យើងទាំងអស់​ពិតជាសំខាន់ក្នុង​ការ​ជួយដល់បរិស្ថាននិងជួយកែលម្អសង្គមតាមរយៈ វិស័យអាជីវកម្មដែលប្រកបដោយនិរន្តរភាព។  

ការចូលរួមរបស់ Panasonic ក្នុងកម្មវិធី 'Together Action for SDGs' បង្ហាញពីតួនាទីរបស់ក្រុមហ៊ុនក្នុងការជាអ្នកដឹកនាំក្នុងការអភិវឌ្ឍន៍ការថែរក្សាបរិស្ថាន និងការប្តេជ្ញាចិត្តក្នុងការគាំទ្រនូវគោលបំណង SDGs នៅកម្ពុជា និងទូទាំងពិភពលោក។