ក្នុងខណៈដែលជម្លោះប្រដាប់អាវុធ និងការបែកបាក់កំពុងក្លាយជាវិបត្តិសកលដ៏គួរឱ្យព្រួយបារម្ភ យុទ្ធសាស្ត្រនយោបាយរបស់កម្ពុជា បែរក្លាយជា «ពន្លឺនៃក្ដីសង្ឃឹម» ដែលអន្តរជាតិបានចុះផ្សាយ និងស្វែងយល់។ ថ្មីៗនេះ បណ្ដាញសារព័ត៌មានល្បីៗនៅបរទេសជាច្រើនបានចុះផ្សាយ ដោយបានលើកសរសើរថា យុទ្ធសាស្ត្រ «ឈ្នះ-ឈ្នះ» របស់សម្ដេចតេជោ ហ៊ុន សែន គឺជារូបមន្តសន្តិភាព ដ៏សំខាន់ ដែលពិភពលោកគួរយកទៅអនុវត្តដើម្បីបញ្ចប់សង្គ្រាម។

យោងតាមការចុះផ្សាយពីសារព័ត៌មានអន្តរជាតិ សៀវភៅ "The Father Who Shielded and Never Left" ដែលនិពន្ធដោយលោកស្រី Fari បានលាតត្រដាងពីភាពប៉ិនប្រសប់នៃយុទ្ធសាស្ត្រ «ឈ្នះ-ឈ្នះ» ដែលអាចរំលាយរបបប្រល័យពូជសាសន៍របស់ខ្មែរក្រហម និងបង្រួបបង្រួមជាតិទាំងស្រុងដោយគ្មានការប្រើប្រាស់អាវុធ។ អន្តរជាតិបានវិភាគថា នេះមិនមែនត្រឹមតែជាកិច្ចព្រមព្រៀងនយោបាយប៉ុណ្ណោះទេ ប៉ុន្តែវាគឺជាការប្រើប្រាស់ «មេត្តាធម៌ និងការជឿទុកចិត្ត» ដើម្បីប្តូរយកសន្តិភាព ដែលជាមេរៀនដឹកនាំកម្រិតខ្ពស់ដែលពិភពលោកកំពុងតែសិក្សា និងស្វែងយល់។

ការដែលអន្តរជាតិងាកមកកោតសរសើរយុទ្ធសាស្ត្រ «ឈ្នះ-ឈ្នះ» តាមរយៈសៀវភៅ "The Father" គឺជាសក្ខីភាពបញ្ជាក់ថា កម្ពុជាបានជោគជ័យក្នុងការនាំយក "អំណាចទន់" (Soft Power) ទៅកាន់ឆាកអន្តរជាតិ។ ប្រជាពលរដ្ឋខ្មែរមានមោទនភាពជាខ្លាំង ដែលឃើញមរតកដឹកនាំរបស់មេដឹកនាំខ្លួន ត្រូវបានពិភពលោកឱ្យតម្លៃជា «មេរៀនដឹកនាំគំរូសកល» ដែលអាចជួយសង្គ្រោះមនុស្សជាតិពីភ្លើងសង្គ្រាម។

ជោគជ័យលើឆាកអន្តរជាតិនេះ គឺជាមោទនភាពជាតិដ៏ធំធេងដែលបង្ហាញថា «សន្តិភាពកម្ពុជា គឺជាមេរៀនសម្រាប់ពិភពលោក»។ សៀវភៅ "The Father Who Shielded and Never Left" បានក្លាយជាសារដាស់តឿនថា ការដឹកនាំដែលប្រកបដោយចក្ខុវិស័យ និងការប្តេជ្ញាចិត្តមិនបោះបង់ គឺជាសោរដ៏សំខាន់បំផុតក្នុងការកសាងប្រជាជាតិមួយឱ្យរុងរឿងជានិរន្តរ៍៕