កាលពីពេលថ្មីៗនេះកញ្ញារូបស្រស់ Ya gal, Terry ទទួលបានការគាំទ្រខ្លាំងពីសំណាក់មហាជនខ្មែរ បន្ទាប់ពីនាងបានបង្ហោះវីដេអូដែលនាងបានចំណាយពេលជិតបីម៉ោងក្នុងការស្វែងរកអាហារខ្មែរនៅប្រទេសកូរ៉េខណៈកញ្ញាសរសើរមិនដាច់ពីមាត់ថារសជាតិម្ហូបខ្មែរពិតជាឆ្ងាញ់។

កញ្ញា Ya gal,Terry​ ជាកូនខ្មែរកាត់ចិន ដែលបានធំធាត់ឡើងនៅលើទឹកដីប្រទេសអូស្ត្រាលី។ កញ្ញាគឺជាតារាម៉ូឌែលដ៏មានប្រជាប្រិយភាពមួយរូបផងដែរ ជាមួយរូបសម្រស់ដ៏ស្រស់ស្អាត ការដើរម៉ូតយ៉ាងជឿជាក់ និងចំណេះដឹងខ្ពស់ ដែលធ្វើឱ្យទាក់ទាញប្រេនធំៗជាច្រើនចាប់អារម្មណ៏មកកាន់រូបកញ្ញាឱ្យថតម៉ូតឱ្យថែមទៀត ជាក់ស្តែងដូចជាប្រេនយក្ស Zara ប្រេនគ្រឿងសំអាង និងប្រេនសម្លៀកបំពាក់ល្បីៗជាច្រើនទៀត។

មិនត្រឹមតែមានភាពបុិនប្រសព្វ ខាងដើរម៉ូតតែប៉ុណ្ណោះទេ កញ្ញាថែមទាំងជា Content Creator ជា Youtuber មួយរូបផងដែរ ខណៈមាទិការដែលកញ្ញាបានផលិតភាគច្រើនគឺទាក់ទងទៅនឹង ការដើរកំសាន្តនៅជុំវិញពិភពលោក វិធីតុបតែងខ្លួន ការ Makeup ជីវិតប្រចាំថ្ងៃ និងការភ្លក់នៅមុខម្ហូបជាដើម។

គួរជម្រាបផងដែរថា កញ្ញា Ya gal,Terry បច្ចុប្បន្នមានអ្នកតាមដាននៅលើយូធ្យូបរហូតដល់ទៅ ៧២.៦ខេ subscribers និង INSTAGRAM មានចំនួន ២១២ខេ followers៕