សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី បានចេញព្រះរាជក្រឹត្យផ្តល់គោរមងារ «អ្នកឧកញ៉ា» ជូនដល់ ឧកញ៉ា ធា គ្រេកអេង ដែលជាអគ្គនាយិកាក្រុមហ៊ុន តាយ ធា កសិកម្ម ឯ.ក (Tay Thea Kasekam Co., Ltd) ។ នេះបើយោងតាមព្រះរាជក្រឹត្យចុះនៅថ្ងៃទី២៣ ខែកញ្ញា ឆ្នាំ២០២៦។

ការផ្ដល់គោរមងារ «អ្នកឧកញ៉ា» ជូនដល់អគ្គនាយិកាក្រុមហ៊ុន តាយ ធា កសិកម្ម ឯ.ក (Tay Thea Kasekam Co.,Ltd) នេះធ្វើឡើងតាមសេចក្ដីក្រាបបង្គំទូលថ្វាយរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា។

ក្រៅពីកាន់តួនាទីជាអគ្គនាយិកាក្រុមហ៊ុន Tay Thea Kasekam Co., Ltd អ្នកឧកញ៉ា ធា គ្រេកអេង បច្ចុប្បន្នក៏ជាសមាជិកនៃសមាគមឧកញ៉ាកម្ពុជា និងជាសមាជិកសភាពាណិជ្ជកម្មកម្ពុជាផងដែរ។ ជានិច្ចកាល លោកជំទាវឧកញ៉ា តែងចូលរួមបរិច្ចាគនូវថវិកា និងធនធានផ្ទាល់ខ្លួន ជួយគាំទ្រដល់សកម្មភាព​រាជរដ្ឋាភិបាល និងការងារសប្បុរសធម៌ផ្សេងៗ។

សូមជម្រាបផងដែរថា ក្រុមហ៊ុន តាយ ធា កសិកម្ម ឯ.ក (Tay Thea Kasekam Co., Ltd) របស់អ្នកឧកញ៉ា ធា គ្រេកអេង គឺជាប្រភេទអាជីវកម្មនាំចេញ-នាំចូលផលិតផលកសិកម្ម មានអាសយដ្ឋាននៅភូមិអន្លង់ក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ៕