ឱកាសល្អបានមកដល់ហើយ សម្រាប់សិស្សនិស្សិតដែលមានបំណងចូលសិក្សានៅវិទ្យាស្ថានតេជោសែន សាធារណការនិងដឹកជញ្ជូន ប៉ុន្តែចំពោះការចូលរៀននេះដែរ ប្រសិនជាយើងចង់បានអាហាររូបកណ៍ពី៥០% ទៅ១០០% ត្រូវឆ្លងកាត់ការប្រឡងតេស្តសមត្ថភាពជាមុនសិន សម្រាប់មុខវិជ្ជាដែលប្រឡងរួមមាន គណិតវិទ្យា រូបវិទ្យា គីមីវិទ្យា និងតក្កវិទ្យា។
យោងតាមការចេញផ្សាយដោយវិទ្យាស្ថានតេជោសែន សាធារណការនិងដឹកជញ្ជូន បានឱ្យដឹងថា ចំពោះអាហារូបករណ៍១០០% គឺទទួលបានតែនិស្សិតឆ្នើមដែលទទួលបានពិន្ទុខ្ពស់ជាងគេ ៥០នាក់ និងទទួលបានអាហារូបករណ៍១០០% រហូតដល់បញ្ចប់ការសិក្សា ប៉ុន្តែអាស្រ័យលើការវាយតម្លៃលទ្ធផលសិក្សាជារៀងរាល់ឆ្នាំ។
ចំណែកអាហាររូបករណ៍៥០% គឺបានចំពោះនិស្សិតជានារីនឹងទទួលបានអាហាររូបករណ៍ ៥០% ដោយស្វ័យប្រវត្តិរហូតដល់បញ្ចប់ការសិក្សាប៉ុន្តែអាស្រ័យលើការវាយតម្លៃលទ្ធផលសិក្សា ជារៀងរាល់ឆ្នាំផងដែរ។ សម្រាប់ជំនាញទាំង៦ នោះមានដូចជា៖
១.ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងសំណង់កំពង់ផែ
ឱកាសការងារ
- នឹងក្លាយជាវិស្វករសំណង់ ស្ពាន ថ្នល់ ផ្លូវដែក និងសំណង់កំពង់ផែ
- បម្រើការងារក្នុងក្រសួងសាធារណការនិងដឹកជញ្ជូននិងក្រសួងស្ថាប័នពាក់ព័ន្ធ
- បម្រើការងារតាមក្រុមហ៊ុនឯកជនទាក់ទងនឹងសំណង់ស្ពាន ថ្នល់ និងតាមអង្គការជាតិនិងអន្តរជាតិមួយចំនួន។
២. ជំនាញប្រព័ន្ធចម្រោះទឹកកខ្វក់
- នឹងក្លាយជាវិស្វករផ្នែកប្រព័ន្ធចម្រោះទឹកកខ្វក់ អនាម័យនឹងបរិស្ថាន
- បម្រើការនៅតាមស្ថាប័នរដ្ឋ ដូចជាក្រសួងសាធារណការនិងដឹកជញ្ជូន និងក្រសួងស្ថាប័នពាក់ព័ន្ធ
- បម្រើការក្នុងក្រុមហ៊ុនប្រឹក្សាយោបល់បច្ចេកទេសឯកជនដែលទាក់ទងនឹងការផ្គត់ផ្គង់ទឹកស្អាតនុងហេដ្ឋារចនាសម្ព័ន្ធទីប្រជុំជន ក្រុមហ៊ុនសាងសង់អង្គការក្រៅរដ្ឋាភិបាលស្ថាប័នដៃគូអភិវឌ្ឍន៍អន្តរជាតិ។
៣. ជំនាញសេដ្ឋកិច្ច និងគ្រប់គ្រងការដឹកជញ្ជូនផ្លូវគោក
- អ្នកប្រឹក្សាយោបល់ផ្នែកសេដ្ឋកិច្ចដឹកជញ្ជូន
- ប្រតិបត្តិករដឹកជញ្ជូន
- បម្រើការងារនៅតាមបណ្តាក្រសួង ស្ថាប័នជាតិ និងអន្តរជាតិ
- អ្នកវិភាគផ្នែកដឹកជញ្ជូន សេដ្ឋកិច្ចដឹកជញ្ជូន អ្នកវិភាគនិងតាក់តែងគោលនយោបាយ
- អ្នកគ្រប់គ្រងផែនការដឹកជញ្ជូន។
៤. ជំនាញគ្រប់គ្រងភស្តុភារកម្ម និងខ្សែច្រវ៉ាក់ផ្គត់ផ្គង់
- មន្រ្តីទទួលបន្ទុកផ្នែកលទ្ធកម្ម
- បុគ្គលិកផ្នែកបញ្ជាទិញ និងសន្និធិ
- អ្នកគ្រប់គ្រងការដឹកជញ្ជូនទំនិញ និងអ្នកគ្រប់គ្រងឃ្លាំង
- អ្នកគ្រប់គ្រង់ការដឹកជញ្ជូនទំនិញ អ្នកគ្រប់គ្រងឃ្លាំង
- អ្នករៀបចំផែនការខ្សែច្រវ៉ាក់ផ្គត់ផ្គង់
- អ្នករៀបចំផែនការផលិតកម្ម
- អាចជាម្ចាស់អាជីវកម្មដឹកជញ្ជូនទំនិញ។
៥. ជំនាញបើកបរនាវា
- បម្រើការងារនៅកំពង់ផែស្វយ័តភ្នំពេញ និងកំពង់ផែស្វយ័តក្រុងព្រះសីហនុ
- បម្រើការងារនៅតាមក្រុមហ៊ុនដឹកជញ្ជូនផ្លូវទឹកមួយចំនួន
- បម្រើការងារក្នុងក្រុមហ៊ុនដឹកជញ្ជូនផ្លូវទឹកលំដាប់អន្តរជាតិ (SHIPPING LINE)។
៦. ជំនាញម៉ាស៊ីននាវា
- អ្នកជំនាញថែទាំម៉ាស៊ីនាវាតាមកំពង់ផែ
- អ្នកជំនាញជួសជុលម៉ាស៊ីនាវា។
សូមបញ្ជាក់ថា សម្រាប់សិស្សនិស្សិតដែលចង់សិក្សាជំនាញទាំង៦ ដែលបានរៀបរាប់ខាងលើនេះ អាចធ្វើការទំនាក់ទំនងទៅកាន់លេខទូរស័ព្ទ ០៩៨ ២១ ០២ ២១ ឬ ០៧៨ ២១ ០១ ២១ ដែលមានអាស័យដ្ឋាននៅផ្លូវលេខ ៥៩៨ (ផ្លូវឯកឧត្តម ជា សុផារ៉ា) សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ៕
អត្ថបទ៖ ធី ស្រីល័ក្ខ
