ឆ្នាំថ្មី ២០២៥ នរណាៗក៏មានបំណងប៉ងប្រាថ្នាចង់បានចំណូលច្រើនជាងឆ្នាំចាស់ៗផងដែរ ជាពិសេសនោះគឺការរកលុយពីយូធូប ពោលឱ្យតែយើងចេះជំនាញនេះច្បាស់ទោះបីជានៅតែផ្ទះក៏យើងអាចរកចំណូលបានដែរ។ នៅក្នុងនោះដែរ សម្រាប់បងប្អូនដែលចង់រៀនពីការរកលុយពីយូធូប តែមិនដឹងរៀននៅទីណាទើបចេះច្បាស់ អាចរៀនតាមឆានែល៣ខាងក្រោមនេះបាន រៀនហ្រ្វីៗពីអ្នកជំនាញផ្ទាល់តែម្តង៖
ចំពោះឆានែលនេះដែរ ត្រូវបានបង្កើតឡើងដោយកូនខ្មែរតាំងពីឆ្នាំ២០១៨ មកម្លេះ ដោយគោលបំណងក្នុងការបង្កើតឆានែលនេះឡើងមក សម្រាប់អ្នកដែលចង់រៀនយកលុយតាមយូធូប មិនតែប៉ុណ្ណោះសម្រាប់អ្នកដែលរៀនធ្វើតាមនៅពេលដែលពួកគាត់មានចម្ងល់ទាក់ទងទៅនឹងមេរៀនអាចខមិនខាងក្រោមវីដេអូដែលមានចម្ងល់បាននោះក្រុមការងារក៏មានឆ្លើយជូនផងដែរ។
មិនតែប៉ុណ្ណោះ នៅក្នុងឆានែល TCH នេះដែរ គឺពោរពេញទៅដោយបណ្តុំមេរៀនទាក់ទងពីវីធីសាស្រ្តរកលុយពីយូធូបជាច្រើន ដោយមានទាំងក្បួនបង្កើតឆានែល ក្បួនរកលុយឱ្យបានច្រើនពីយូធូបព្រមទាំងមានបង្ហើបពីមាតិកាផ្សេងៗដែលអាចរកលុយពីយូធូបបានច្រើនក៏ដូចជាមេរៀនដំបូងៗសម្រាប់បងប្អូនទើបចាប់ផ្តើមធ្វើវីដេអូដាក់យូធូប។
នៅក្នុងឆានែល Creator Academy គឺមានមេរៀនគ្រប់បែបយ៉ាងទាក់ទងនឹង YouTube ចាប់ផ្ដើមពី មូលដ្ឋានគ្រឹះ ចូលទៅកាន់យុទ្ធសាស្ត្រធ្វើវីឌីអូ រហូតបំលែងទៅជាចំណូលបាន ដូច្នេះបងប្អូនដែលចង់រៀនពីគន្លឹះរកលុយពីយូធូបកម្រិតដំបូងអាចរៀនតាមឆានែលមួយនេះបាន។
សម្រាប់ឆានែលមួយនេះដែរ ក៏បង្កើតឡើងដោយកូនខ្មែរដូចគ្នាដែលបានបង្កើតឡើងតាំងពីឆ្នាំ ២០១១ មកម្លេះ ហើយចំពោះគោលបំណងគឺដើម្បីបង្រៀនបងប្អូននូវគន្លឹះឱ្យចេះរកលុយតាមយូធូប សម្រាប់អ្នកដែលចេះតិចៗហើយនឹងអ្នកដែលទើបតែចង់រៀនរកលុយតាយូធូប។ លើសពីនេះទៅទៀត ក្រៅពីមានបង្រៀនពីវីដេអូរកលុយតាមយូធូប ឆានែលមួយនេះក៏មានបង្រៀនពីរបៀបរកលុយតាមហ្វេសប៊ុកដែរ ដោយមានការបង្រៀនហ្រ្វីៗមិនយកលុយសូម្បីតែ១រយ។
គួរបញ្ជាក់ថា ចំពោះបងប្អូនដែលចង់ចេញពីរបៀបរកលុយពីយូធូប បងប្អូនអាចរៀនបាន ដោយមិនគិតលុយឡើយ ហើយឆានែលនីមួយៗមានមេរៀនផ្សេងៗគ្នា ប្រសិនជាបងប្អូនចង់រៀនមេរៀនអ្វីអាចចុចទៅលើវីដេអូនោះបាន ព្រោះគេមានប្រាប់ពីវីធីសាស្រ្តបង្កើតយូធូបនឹងហ្វេសប៊ុកដើម្បីរកលុយបានផងដែរ៕
