នៅសល់ជាងថ្ងៃទៀតដាច់ឆ្នាំ២០២២ ហើយ ដូច្នេះសម្រាប់អ្នកដែលមិនចង់ទៅដើរលេងតាមខេត្ត និងមានអ្នកខ្លះនៅឆ្លងឆ្នាំនៅភ្នំពេញ អ៊ី​ចឹងសម្រាប់អ្នកនៅភ្នំពេញមានកន្លែងខ្លះដែលល្អសម្រាប់លោកអ្នកអាចញ៉ាំម្ហូបឆ្ងាញ់ និងមើលកាបាញ់កាំជ្រួចបានយ៉ាងស្រស់ស្អាត។ ហើយកន្លែងទាំងនោះរួមមាន៖

១. Vehaa វេហា

វេហា គឺជាស្កាយបាមួយដែលមានកម្ពស់ខ្ពស់ ទោះបីជាមិននៅកៀកមាត់ទន្លេក៏ពិតមែន តែលោកអ្នកក៏អាចមើលកាំជ្រួចបានយ៉ាងច្បាស់ផងដែរ។ វេហា Sky bar នេះមានទីតាំងស្ថិតនៅ ផ្លូវ 59b នៃមហាវិថីសុធារស រាជធានីភ្នំពេញ។ Sky Bar មួយនេះចាប់ផ្ដើមបើដំណើរការពីម៉ោង ចាប់ពីម៉ោង ៤ រសៀល ដល់​ ម៉ោង ១២ យប់។​ លេខទូរសព្ទទំនាក់ទង ០៧៦ ៦១១ ១០៤។

២. Panorama Mekong Hostel and Restaurant

Panorama Mekong Hostel and Restaurant គឺជាកន្លែងដ៏ល្អដែលមានទីតាំងនៅជាប់មាត់ទន្លេ ហើយក៏ជាបាដែលពេញនិយមបំផុតសម្រាប់យុវវ័យ។ Panorama Mekong Hostel and Restaurant មានទីតាំងស្ថិតនៅ មហាវិថីព្រះស៊ីសុវត្តិ កែងផ្លូវ ១៧៨ ។ ហាងនេះបើកដំណើរការចាប់ពីម៉ោង៤ រសៀលដល់ម៉ោង១២យប់។ សម្រាប់លេខទំនាក់ទំនង ០៨៧ ៥០០០ ៤០០។

៣. Eclips Sky Bar

Sky bar ដ៏ស្រស់ស្អាតមួយផងដែរនៅភ្នំពេញ ដែលមានទីតាំងនៅជាន់ទី ២៣ នៃអគារ Phnom Penh Tower ។ ជាទីតាំងល្អបំផុត ដើម្បីអង្គុយមើល កាំជ្រួចឆ្លងឆ្នាំ ក៏ដូជាមើលទេសភាពនៅក្នុងទីក្រុងភ្នំពេញ ដូចជាវិមានឯករាជ្យ ទន្លេបាសាក់ និងទន្លេមេគង្គ ផ្សារធំថ្មី និងព្រះបរមរាជវាំង។ Sky Bar នេះមានទីតាំងស្ថិតនៅ​ មហាវិថីព្រះមនីវង្ស សង្គាត បឹងប្រលិត ខណ្ឌ ៧មករា ចាប់បើកពីម៉ោង ៥ ល្ងាច ដល់ ម៉ោង ២ យប់ឯណោះ។ លេខទំនាក់ទំនង​ ០១២ ៨២៥ ១៧១ ។

៤. 5 Drunk Men Skybar

5 Drunk Men គឺជាប្រភេទ skybar ថ្មីនៅជាន់ទី3A នៅលើអគារ Couch Potato Collective ដែលមានបម្រើជូននូវម្ហូបអាហារយ៉ាងច្រើនសម្បូរបែប ភេសជ្ចៈ ស្រាក្រឡុក​ ជាមួយបរិយាកាសខ្យល់ធម្មជាតិ គយគន់ទេសភាពនាពេលព្រះអាទិត្យរៀបលិចនិង ភ្លើងចំរុះពណ៌ភ្លឺផ្លេកនាពេលរាត្រី បូកផ្សំ និង ជំនោរទន្លេដ៏ត្រជាក់ ជាមួយតន្ត្រី​ និងល្អពិសេសសម្រាប់ការគយគន់ការបាញ់កាំជ្រួចនាយប់ថ្ងៃឆ្លងឆ្នាំនេះយ៉ាងពិសេស។ 5 Drunk Men បើកដំណើរការចាប់ពីម៉ោង៤ រសៀលដល់ម៉ោង១២យប់។ លេខទំនាក់ទំនង​ ០៧៦ ៦១១១ ១០៤។

៥. ភោជនីដ្ឋានទន្លេសាប

ភោជនីដ្ឋាននៅមានទីតាំងស្ថិតនៅជាន់ទី២០ នៃសណ្ឋាគាររ៉េស៊ីដង់សុខាភ្នំពេញ ផ្ទះលេខ 43 ផ្លូវព្រះស៊ីសុវត្ថិ  សង្កាត់វត្តភ្នំ ខណ្ឌដូនពេញ រាជធានីភ្នំពេញ។ ជាទីតាំងដ៏ល្អដែលលោកអ្នកនិងទទួលបានអារម្មណ៏កក់ក្តៅ ហើយអាចគយគន់់ទេសភាពដ៏ស្រស់បំព្រងនៃទីក្រុងភ្នំពេញពីលើដំបូលអាគារដ៏ខ្ពស់ជាន់ទី២០ នៃសណ្ឋាគាររ៉េស៊ីដង់សុខាភ្នំពេញ។  5ធានាថាអាចមើលការបាញ់កាំជ្រួចបានយ៉ាងស្រស់ស្អាតជាទីបំផុត។ ភោជនីដ្ឋាននេះបើចាប់ពីម៉ោង6 ព្រឹកដល់ម៉ោង១០ យប់។ លេខទំនាក់ទំនង​ ០២៣ ៦៨ ៥៨ ៨៨៨៕

អត្ថបទដោយ៖ ឌឿក ស្រី នុត