ការជ្រើសរើសជំនាញគឺជារឿងសំខាន់ណាស់ សម្រាប់គ្រប់គ្នា ជាពិសេសសិស្ស និស្សិតដែលទើបតែប្រឡងជាប់ថ្មីៗនេះ។ ជាការពិតជំនាញអ្វីក៏មានទីផ្សារដែលសំខាន់ឱ្យតែយើងចេះប្រាកដ ប៉ុន្តែអ្វីដែលជាជម្រើសល្អយើងគួរតែរើសជំនាញណាដែលមិនសូវមានអ្នករៀនព្រោះនៅពេលណាយើងជ្រើសរើសយកជំនាញដែលមិនសូវមានអ្នកធ្វើ វានឹងជួយឱ្យយើងចំណូលបានច្រើន ហើយអាចចាប់ឱកាសបានច្រើនជាងជំនាញដទៃៗទៀត ជាពិសេសជំនាញ៥ ខាងក្រោមនេះ សុទ្ធសឹងតែជាជំនាញចំណូលខ្ពស់ដែលបងប្អូនគួរពិចារណា ៖

១.ជំនាញរចនាគេហទំព័រ (Web Design)

ការរចនាគេហទំព័រគឺជាជំនាញមួយដ៏សំខាន់ ជាពិសេសស្របពេលនឹងភាពជឿនលឿនរបស់ពិភពលោកនាពេលបច្ចុប្បន្ននេះ ព្រោះបច្ចុប្បន្នមនុស្សកាន់តែប្រើប្រាស់ការរកស៊ីតាមរយៈគេហទំព័រកាន់តែច្រើនឡើងៗ ហេតុនេះហើយវាកាន់តែធ្វើឱ្យជំនាញនេះកាន់តែសំខាន់មិនអាចខ្វះបានសម្រាប់ម្ចាស់អាជីវកម្មទូទៅ។ហើយបើនិយាយពីចំណូលសម្រាប់អ្នកចេះជំនាញនេះមិនក្រោមពាន់ដុល្លារនោះទេ។

២. ជំនាញទីផ្សារឌីជីថល (Digital Marketing)

ម្ចាស់អាជីវកម្មមួយចំនួនសព្វថ្ងៃនេះមិនទាន់យល់ដឹងពីរបៀបធ្វើទីផ្សារបែបឌីជីថលនៅឡើយទេដូច្នេះហើយបានជាគេតែងត្រូវការអ្នកចេះធ្វើទីផ្សារលើប្រព័ន្ធឌីជីថលច្រើនពីព្រោះមនុស្សបច្ចុប្បន្នគេចាប់អារម្មណ៍លើបណ្ដាញសង្គមច្រើនបំផុត ព្រោះភាគច្រើនគេមិនចូលចិត្តមើលទូរទស្សន៍ទៀតទេដូច្នេះហើយបានជាការធ្វើទីផ្សារឌីជីថលអាចមានអនាគតខ្លាំងជាងការធ្វើទីផ្សារធម្មតា។

៣. ការអិវឌ្ឍន៍គេហទំព័រនិងការអភិវឌ្ឍន៍ Software(Web Development & Software Development)

ជំនាញមួយនេះកំពុងតែត្រូវប៉ាន់ខ្លាំងនៅក្នុងទៅផ្សារសព្វថ្ងៃពីព្រោះអាជីវកម្មទាំងអស់​​នឹងត្រូវការជំនាញមួយនេះដើម្បីយកទៅអភិវឌ្ឍន៍អាជីវកម្មរបស់ខ្លួននៅថ្ងៃអនាគត ព្រោះថ្ងៃអនាគតអាជីវកម្មទាំងអស់នឹងត្រូវដំណើរការដោយបច្ចេកវិទ្យាឌីជីថលទាំងអស់ដូច្នេះម្ចាស់អាជីវកម្មនីមួយៗកំពុងតែត្រូវការអ្នកដែលចេះធ្វើវេបសាយឬកម្មវិធីដើម្បីអភិវឌ្ឍន៍អាជីវកម្មរបស់ខ្លួនជាចាំបាច់។

៤. ជំនាញវិស្វកម្ម 

 គឺជាជំនាញមួយសំខាន់បំផុតគ្រប់បណ្តាប្រទេសនៅលើពិភពលោក ព្រោះថាអ្នកដែលចេះជំនាញនេះមានសមត្ថភាពខ្ពស់ក្នុងការរចនាសំណង់អគារ និងការរៀបចំរចនាសម្ព័ន្ធគ្រឿងអេឡិចត្រូនិចដូចជា ម៉ាស៊ីន ឧបករណ៍ដែលដើរដោយចរន្តអគ្គីសនីជាដើម។

៥. ជំនាញវិទ្យាសាស្រ្ត 

 ផ្នែកវិទ្យាសាស្រ្តជាជំនាញមួយពោលពេញដោយការស្រាវជ្រាវ ការអនុវត្តន៍ និងប្រើប្រាស់ការគិតខ្លាំងជាងជំនាញដទៃទៀត។ ជាទូទៅជំនាញវិទ្យាសាស្រ្តត្រូវបានរាប់បញ្ចូលទាំង ជំនាញកុំព្យូទ័រ ជំនាញពេទ្យ ជំនាញស្ថាបត្យកម្មជាដើម។ បើនិយាយជារួមជាជំនាញដែលប្រើប្រាស់ផ្នែកគណិតវិទ្យា រូបវិទ្យា គីមីវិទ្យា​តែម្តង។ ជំនាញវិទ្យាសាស្រ្តជាជំនាញដែលធ្វើឲ្យខួរក្បាលមនុស្សមានភាពរីកចម្រើនក្នុងការស្វែងរកចំណេះដឹង ដែលជួយឲ្យពិភពលោកអាចបង្កើតនូវរបស់ថ្មីៗដែលមានប្រយោជន៍កាន់តែច្រើនឡើងៗឥតឈប់ឈរ។

សូមជម្រាបថា សម្រាប់ជំនាញគោលទាំង ៥ខាងលើនេះ មានជំនាញមួយចំនួនយើងអាចសិក្សានៅក្នុងសាលាបាន ហើយក៏មានជំនាញខ្លះទៀតតម្រូវឱ្យយើងធ្វើការសិក្សារៀនសូត្រពីសង្គមផ្ទាល់ តាមរយៈបទពិសោធន៍កន្លែងការងារ ក៏ដូចជាវគ្គខ្លី ឬពីការបង្ហាត់បង្រៀនពីរៀមច្បងជាដើម៕