ភ្នំពេញ - មូលនិធិអភិវឌ្ឍន៍ជំនាញ (SDF) បន្តដើរតួនាទីសំខាន់ក្នុងការលើកកម្ពស់សមត្ថភាព និងជំនាញ ជូនបងប្អូនដែលទើបត្រឡប់ពីក្រៅប្រទេសវិញ ក្រោមការសហការជាមួយ សមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC); វិទ្យាស្ថានបណ្តុះបណ្តាលកាត់ដេរកម្ពុជា (CGTI) និង ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ  ដោយគាំទ្រលើការអភិវឌ្ឍជំនាញផ្នែកកាត់ដេរ និងផ្ដល់ឱកាសការងារ ដល់បងប្អូនដែលទើបត្រឡប់មកពីក្រៅប្រទេស ចំនួន ៤,៣០០ នាក់ (ស្ត្រី ២,៥៨០នាក់) ពីកម្មវិធី “ជំនាញខ្ញុំ ការងារខ្ញុំ”។ តាមរយៈកម្មវិធីនេះ បងប្អូនដែលទើបត្រឡប់ពីក្រៅប្រទេសទទួលបានការបណ្ដុះបណ្ដាលជំនាញច្បាស់លាស់ ដែលត្រូវនឹងតម្រូវការទីផ្សារការងារក្នុងស្រុក និងប្រាក់ចំណូលសមរម្យ។

កម្មវិធី "ជំនាញខ្ញុំ ការងារខ្ញុំ" នៅតែបើកបន្ដការគាំទ្រដល់ម្ចាស់រោងចក្រ-សហគ្រាសគ្រប់កម្រិត និងពីគ្រប់វិស័យទាំងអស់ រួមទាំងគ្រឹះស្ថានបណ្ដុះបណ្ដាល និងភ្នាក់ងារជ្រើសរើសបុគ្គលិក ដែលមានតម្រូវការអភិវឌ្ឍជំនាញជូនបងប្អូនទើបត្រឡប់ពីក្រៅប្រទេសអាចទំនាក់ទំនង មកកាន់ទូរស័ព្ទលេខ ០៧៧ ៣៦៥ ២៩៤ / ០២៣ ៩០១ ៥៨៣។

សម្រាប់យុវជន អ្នកស្វែងរកការងារ និងជាពិសេសបងប្អូនដែលទើបត្រឡប់មកពីប្រទេសក្រៅ ដែលមានបំណងចង់ចូលរួមវគ្គបណ្តុះបណ្តាល និងទទួលបានការងារ សូមទាក់ទងទៅកាន់ NEA តាមរយៈទូរស័ព្ទលេខ ០៧៦ ៨៦៣ ៣៤៨៤ / ០១៦ ៧៨៦ ៦៥៥ / ០៨៨ ៣៥៩ ៥៤៣៦ / ០៧១ ៤៨៨ ៨៩០៥។

សូមទស្សនាពីចំណាប់អារម្មណ៍របស់បងប្អូនដែលបានបញ្ចប់វគ្គបណ្ដុះបណ្ដាលជំនាញដេរ និងទទួលបានការងារធ្វើនៅរោងចក្រកាត់ដេរសម្លៀក បំពាក់ក្នុងខេត្ដកំពង់ឆ្នាំង។ ទស្សនាវីដេអូ៖

ព័ត៌មានថ្មីៗអំពី SDF៖ https://s.mtrbio.com/skills-development-fund