គិតត្រឹមថ្ងៃទី២ នៃការប្រកួតប្រណាំងទូក នៅក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៤នេះឃើញថា មានទូកខ្លាំងៗចំនួន ៤ មកពីខេត្ដផ្សេងៗគ្នា បាននិងកំពុងតែនាំមុខគេនៅក្នុងតារាងចំណាត់ថ្នាក់។ ខណៈការប្រកួតនៅសល់ ១ ថ្ងៃទៀតនឹងត្រូវបញ្ចប់ដើម្បីស្វែងរកអ្នកឈ្នះប្រចាំការប្រកួតនេះផងដែរ។

យោងតាមលទ្ធផលបង្ហាញពីគណៈកម្មាការរៀបចំការប្រកួត គិតត្រឹមថ្ងៃទី២ ទូកឈ្មោះ សារាយតេជោសែនជ័យ មកពីខេត្ដកណ្ដាល កំពុងស្ថិតនៅចំណាត់ថ្នាក់ទី១, ទូកឈ្មោះ តេជោកែវិជ័យបារមីចៅសែន មកពីខេត្ដពោធិ៍សាត់ ស្ថិតនៅចំណាត់ថ្នាក់ទី២, ទូក សារ៉ាតសែនជ័យបារមីអន្ទង់ស មកពីខេត្ដព្រៃវែង ស្ថិតនៅចំណាត់ទី៣ និងទូក នរិន្ទរស្សីពិជ័យចិត្របុត្រ មកពីខេត្ដបាត់ដំបង កំពុងឈរនៅចំណាត់ថ្នាក់ទី៤ ខណៈទូកផ្សេងទៀតស្ថិតនៅចំណាត់ថ្នាក់បន្ដបន្ទាប់គ្នាផងដែរ។

យ៉ាងណាការប្រកួតនៅសល់មួយថ្ងៃទៀតដែលជាថ្ងៃចុងក្រោយ (ថ្ងៃទី១៦ ខែវិច្ឆិកា ឆ្នាំ២០២៤) ដើម្បីអាចស្វែងរកថាទូកមួយណាដែលជាអ្នកឈ្នះនៅក្នុងការប្រកួតប្រចាំឆ្នាំនេះ។ ហើយខាងក្រោមនេះគឺជាបញ្ជីផ្គូរផ្គងទូកសម្រាប់ការប្រកួតថ្ងៃទី៣៖