រថយន្ដ RAM គឺជាយីហោរថយន្ដដ៏ល្បីល្បាញមួយរបស់សហរដ្ឋអាមេរិក ដោយបច្ចុប្បន្នរថយន្ដមួយប្រភេទនេះ កំពុងទទួលបានការចាប់អារម្មណ៍ច្រើនពីសំណាក់អ្នកប្រើប្រាស់នៅក្នុងប្រទេសកម្ពុជា។ ជាពិសេសរថយន្ដភីកអាប់ RAM 1500 REBEL ដែលមួយរយៈចុងក្រោយចាប់ផ្ដើមឃើញថា មានការចរាចរណ៍តាមដងផ្លូវច្រើនគួរឲ្យកត់សម្គាល់។

សន្ទុះនៃការគាំទ្ររថយន្ដ RAM ដោយសារតែរថយន្ដនេះត្រូវបានគេទទួលស្គាល់ថា មានលក្ខណៈពិសេស និងបំពាក់នូវបច្ចេកវិទ្យាជាច្រើន ដែលធ្វើឲ្យវាមានភាពលេចធ្លោនៅក្នុងទីផ្សាររថយន្តភីកអាប់។។ ក្រៅពីរូបរាងដ៏រឹងមាំ និងស្រស់ស្អាតរថយន្ដ RAM ក៏មានកម្លាំងខ្លាំងងាយស្រួលក្នុងការបើកបរ ដែលអាចឆ្លងកាត់គ្រប់ស្ថានភាពផ្លូវ។ ជាក់ស្ដែងរថយន្ដ RAM 1500 REBEL អាចផលិតកម្លាំងបានរហូតដល់ 420 សេស ខណៈរថយន្ដ RAM 1500 RHO វិញគឺអាចផលិតកម្លាំងឡើងរហូតដល់ 540 សេសឯណោះ។

ក្នុងនោះដែរ ដោយសារតែមើលឃើញពីសន្ទុះនៃការគាំទ្ររបស់អ្នកប្រើប្រាស់មានការកើនឡើង ក្រុមហ៊ុន RMA Cambodia ដែលជាអ្នកនាំចូលផ្ដាច់មុខយីហោរថយន្ដដ៏ទំនើបខាងលើ ក៏នឹងនាំយកនូវសមាជិកថ្មីមកកាន់ទីផ្សារកម្ពុជាក្នុងពេលឆាប់ៗខាងមុខនេះផងដែរ។ ដោយសមាជិកថ្មីនេះគឺរថយន្ដ RAM 1500 RHO សេរីឆ្នាំ ២០២៦ ដែលជាកំពូលរថយន្ត Spec សម្រាប់ត្រកូលរថយន្ត Pick Up របស់ RAM ក្នុងឆ្នាំថ្មី ២០២៦ ខាងមុខ។

សម្រាប់លោកអ្នកដែលចង់បានរថយន្ដ Pich Up សេរីថ្មីរបស់ RAM អាចធ្វើការសាកសួរព័ត៌មានទៅកាន់ក្រុមការងារបានតាមរយៈពេលលេខទូរស័ព្ទ៖ ៖ 089888116 ឬផ្ញើសារមកកាន់ហ្វេសប៊ុកផេក RAM Cambodia ៕