អាកាសយានដ្ឋានអន្តរជាតិតេជោ (Techo International Airport) បានកំណត់តម្លៃចំណតយានយន្តជាផ្លូវការហើយ ដើម្បីបង្កភាពងាយស្រួលដល់សាធារណជន និងភ្ញៀវទេសចរណ៍។ ខាងក្រោមនេះ គឺជាតម្លៃចំណតបែងចែកតាមប្រភេទយានយន្ត ដែលត្រូវបានដាក់ឲ្យដំណើរការចាត់តាំងពីថ្ងៃទី ០៩ ខែកញ្ញា ឆ្នាំ២០២៥ តទៅ៖

១/. ចំណតដាក់អ្នកដំណើរចុះ (Drop-Off Lane)

·      រម៉ក និងកង់បី (Tuk Tuk)៖ អាចចតដោយឥតគិតថ្លៃរយៈពេល ០-១០ នាទី បន្ទាប់មកត្រូវបង់ថ្លៃ ៥,០០០ រៀល (១,២៥ ដុល្លារ) រៀងរាល់ ៥ នាទីបន្ថែម។

·      ឡានធម្មតា, SUV និង MPV៖ អាចចតដោយឥតគិតថ្លៃរយៈពេល ០-១០ នាទី បន្ទាប់មកត្រូវបង់ថ្លៃ ៧,០០០ រៀល (១,៧៥ ដុល្លារ) រៀងរាល់ ៥ នាទីបន្ថែម។

·      រថយន្តក្រុង និងរថយន្តដឹកទំនិញ៖ អាចចតឥតគិតថ្លៃ ០-២០ នាទី បន្ទាប់មកត្រូវបង់ ៩,០០០ រៀល (២,២៥ ដុល្លារ) រៀងរាល់ ៥ នាទីបន្ថែម។

២/. ចំណតធម្មតា (Regular Parking)

·      ឡានធម្មតា, SUV និង MPV៖ ចូលចត ០-៣០ នាទីតម្លៃ ៤,០០០ រៀល (១ ដុល្លារ) បន្ទាប់មកត្រូវបង់ថ្លៃបន្ថែម  ២,០០០ រៀល (០,៥០ ដុល្លារ) រៀងរាល់ ៣០ នាទី រហូតដល់ ៣ ម៉ោង។ បន្ទាប់ពី ៣ ម៉ោងត្រូវបង់បន្ថែម ៣,០០០ រៀល (០,៧៥ ដុល្លារ) រៀងរាល់ ៣០ នាទី។ ប្រសិនបើបាត់សំបុត្រត្រូវបង់ ៨០,០០០ រៀល (២០ ដុល្លារ)។

·      រថយន្តក្រុង និងរថយន្តដឹកទំនិញ៖ ចូលចត ០-៣០ នាទីតម្លៃ ៥,០០០ រៀល (១,២៥ ដុល្លារ) ហើយបន្ថែម ៣,០០០ រៀល (០,៧៥ ដុល្លារ) រៀងរាល់ ៣០ នាទី។ ប្រសិនបើបាត់សំបុត្រត្រូវបង់ ១២០,០០០ រៀល (៣០ ដុល្លារ)។

៣/. ចំណតពិសេស (Premium Parking)

·      ឡានធម្មតា, SUV និង MPV៖ ចូលចត ០-៣០ នាទីតម្លៃ ១២,០០០ រៀល (៣ ដុល្លារ) និងត្រូវបង់បន្ថែម ៦,០០០ រៀល (១,៥០ ដុល្លារ) រៀងរាល់ ៣០ នាទីបន្ថែម។

៤/. ចំណតម៉ូតូ (Motor Parking)

·      ម៉ូតូ៖ អាចចត ០-១២ ម៉ោងតម្លៃ ២,០០០ រៀល (០,៥០ ដុល្លារ) និងត្រូវបង់បន្ថែម ១,០០០ រៀល (០,២៥ ដុល្លារ) រៀងរាល់ ១ ម៉ោងបន្ថែម។

៥/. ចំណតប្រចាំខែ (Monthly Season Parking)

·      ចំណតធម្មតា (Regular Parking) តម្លៃប្រចាំខែ ២០០,០០០ រៀល (៥០ ដុល្លារ)។

·      ចំណតពិសេស (Premium Parking) តម្លៃប្រចាំខែ ៨០០,០០០ រៀល (២០០ ដុល្លារ)។

·      ចំណតម៉ូតូ (Motor Parking) តម្លៃប្រចាំខែ ៤០,០០០ រៀល (១០ ដុល្លារ)។

សូមជម្រាបថា អាកាសយានដ្ឋានអន្ដរជាតិតេជោ (Techo International Airport) លំដាប់​ 4F បានចាប់ផ្ដើមបើកដំណើរការសាងសង់កាលពីអំឡុងខែមិថុនា ឆ្នាំ២០២០ ដោយក្រុមហ៊ុន ក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) ដែលជាក្រុមហ៊ុនបង្កើតឡើងរួមគ្នាដោយក្រុមហ៊ុន OCIC និងរដ្ឋលេខាធិការដ្ឋានអាកាសចរណ៍ស៊ីវិល ដែលមានទីតាំងស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល។ អាកាសយានដ្ឋានថ្មីនេះ អាចទទួលយន្តហោះខ្នាតធំចុះចតបានដូចជា ប្រភេទ Airbus A380 និង ប្រភេទ Boeing 747៕