ភ្នំពេញ ថ្ងៃទី 08 ខែវិច្ឆិកា ឆ្នាំ 2024] –អ័រគីនកម្ពុជា(Orkin Cambodia) ដែលជាក្រុមហ៊ុនកម្ចាត់សត្វល្អិតចង្រៃឈានមុខគេ ក្នុងព្រះរាជាណាចក្រកម្ពុជា បានធ្វើការសហការ និងសម្របសម្រួលពីសំណាក់អាជ្ញាធរខណ្ឌទួលគោក ក្នុងការបើកយុទ្ធនាការរួមគ្នាក្រោមប្រធានបទ “ ប្រឆាំងសត្វមូស ថែទាំបរិស្ថាន ជាមួយអ័រគីន (Orkin)” ក្នុងតំបន់នានា នៃខណ្ឌទួលគោក។ ព្រឹត្តការណ៍នេះនឹងប្រព្រឹត្តទៅចាប់ពីថ្ងៃទី ០៨ រហូតដល់ថ្ងៃទី ១០ ខែវិច្ឆិកា ឆ្នាំ ២០២៤ ក្នុងគោលបំណងលុបបំបាត់ ការពារ និងលើកកម្ពស់សុខុមាលភាពបងប្អូនប្រជាពលរដ្ឋ ដែលរស់នៅក្នុងតំបន់ដែលងាយប្រឈមទៅនឹងបញ្ហាសត្វមូស ក៏ដូចជាការតាំងចិត្តក្នុងការរួមចំណែកកាត់បន្ថយជំងឺផ្សេងៗ ដែលបង្ករឡើងតាមរយៈសត្វមូសខាំ ឱ្យមានភាពប្រសិទ្ធភាពខ្ពស់។
យុទ្ធនាការនេះនឹងផ្ដោតជាចំបងទៅលើទីតាំងទាំងឡាយណាដែលជាប្រភពនៃការកកើតរបស់សត្ចមូសដូចជាសម្ភារៈបរិក្ខារដែលមានទឹកដក់ ប្រព័ន្ធលូសាធារណៈ ក៏ដូចជាទីតាំងជម្រកនានាដែលសត្វមូសពេញវ័យលាក់ខ្លួន និងតោងសម្រាក។
ស្របពេលជាមួយគ្នាក្រុមហ៊ុន អ័រគីន កម្ពុជា(Orkin Cambodia) ក៏បានលើកទឹកចិត្តអោយបុគ្គលិកគ្រប់ជាន់ថ្នាក់ ចូលរួមសម្អាតបរិស្ថានតាមរយៈការរើសសំរាមនៅតាមដងផ្លូវ ដើម្បីរួមចំណែកជាមួយរាជរដ្ឋាភិបាល ក្នុងការលើកកម្ពស់ការសម្អាតបរិស្ថាន និងការបង្កើនសោភណ្ឌភាពនៅក្នុងទីក្រុងផងដែរ។
តាមរយៈព្រឹត្តិការណ៍នេះលោក យៀប សុគន្ធថៃ អគ្គនាយកក្រុមហ៊ុន អ័រគីនកម្ពុជា បានលើកឡើងថា “ក្រុមហ៊ុន មានចក្ខុវិស័យ ក្នុងការជំរុញឲ្យមានការប្រុងប្រយ័ត្ន និងរួមគ្នាកាត់បន្ថយគ្រោះថ្នាក់ផ្សេងៗដែលបណ្ដាលដោយសារសត្វមូស ក៏ដូចជារួមគ្នាបន្តចែករំលែកចំណេះដឹងដល់ប្រជាពលរដ្ឋរបស់ពួកយើង ដើម្បីអោយពួកគាត់អភិវឌ្ឍន៍កម្រិតគុណភាពនៃការរស់នៅ និងរួមគ្នាថែរក្សាបរិស្ថានរបស់ពួកយើងអោយកាន់តែល្អប្រសើរ ” ។ លោកបន្តទៀតថា “ គ្រប់គ្នាមានកាតព្វកិច្ចក្នុងការអភិវឌ្ឍន៍សង្គមជាតិរបស់ពួកយើងតាំងពីយើងចាប់កំណើតលើទឹកដីមួយនេះ ហើយការអភិវឌ្ឍន៍ទាំងនោះ នឹងកើតឡើងតាមសកម្មភាពតូចៗ របស់ពួកយើងទាំងអស់គ្នា ដូចសកម្មភាពដែលយើងធ្វើរួមគ្នានៅក្នុងថ្ងៃនេះ ” ។
អំពី ORKIN
ក្រុមហ៊ុនអ័រគីនកម្ពុជា(Orkin Cambodia) គឺជាក្រុមហ៊ុនដែលមានទីស្នាក់ការកណ្ដាលក្នុងរាជធានីភ្នំពេញ ដែលផ្ដោតទៅលើការផ្តល់សេវាកម្មគ្រប់គ្រងសត្វល្អិតចង្រៃតាមលំនៅដ្ឋាន ភោជនីយដ្ឋាន និងទីតាំងពាណិជ្ជកម្មទូទាំងខេត្តក្រុង។ ក្រុមហ៊ុនចាប់ផ្ដើមបង្កើតឡើងនៅក្នុងខែតុលា ឆ្នាំ ២០១៦ និងជាក្រុមហ៊ុនដែលបានទទួលសិទ្ធិផ្តាច់មុខពីក្រុមហ៊ុនគ្រប់គ្រងសត្វល្អិតចង្រៃធំបំផុតនៅលើពិភពលោកជាមួយនឹងបទពិសោធន៍ ១២១ឆ្នាំ មកពីសហរដ្ឋអាមេរិក ដែលមានឈ្មោះថា ORKIN ។
ទំនាក់ទំនង៖ 099 588 788 សម្រាប់ពត៌មានលម្អិត និងការត្រួតពិនិត្យបញ្ហាសត្វល្អិតដោយឥតគិតថ្លៃ។
