កាន់តែទំនើប! មន្ទីរពេទ្យអន្ដរជាតិអរៀនដា បើកសម្ពោធផ្នែកថ្មី «ផ្នែកវះកាត់ប្រព័ន្ធប្រសាទខួរក្បាល»

រាជធានីភ្នំពេញ៖ នៅថ្ងៃទី ០៩ ខែ មករា ឆ្នាំ ២០២៦ មន្ទីរពេទ្យអន្តរជាតិអរៀនដាបានប្រារព្ធនូវ ពិធីសម្ពោធជាផ្លូវការ ផ្នែកវះកាត់ប្រព័ន្ធប្រសាទ ខួរក្បាល ដែលជាផ្នែកថ្មី និងពិសេសបំផុតសម្រាប់ព្យាបាល និងវះកាត់ជូនអ្នកជំងឺនៅមន្ទីរពេទ្យអន្តរជាតិអរៀនដា! កម្មវិធី នេះបានធ្វើឡើងក្រោមអធិបតីភាពរបស់គណៈគ្រប់គ្រងនៃមន្ទីរពេទ្យអន្តរជាតិ អរៀនដា និង មន្ទីរពេទ្យអរៀនដាចំការមន ព្រមទាំងថ្នាក់ដឹកនាំ បុគ្គលិក និងភ្ញៀវ ទាំងអស់ សរុបប្រមាណ ១០០នាក់!

គណៈគ្រប់គ្រងនៃមន្ទីរពេទ្យអន្តរជាតិអរៀនដា បានថ្លែងថា៖ “ផ្នែកវះកាត់ប្រព័ន្ធប្រសាទខួរក្បាល មានវេជ្ជបណ្ឌិតឯកទេស មានបទពិសោធន៍ជាច្រើនឆ្នាំ មានសមត្ថភាពខ្ពស់អាចព្យាបាល និងវះកាត់បញ្ហាខួរក្បាលជាច្រើនជូនដល់អ្នកជំងឺ ជាមួយ គ្រឿងបរិក្ខារទំនើបៗ និងវេជ្ជបណ្ឌិត បានបញ្ចប់ការសិក្សាឯកទេសមកពីប្រទេសចិន និងវគ្គបណ្តុះបណ្តាលមកពីប្រទេស ជប៉ុន បទពិសោធន៍ជាង 10ឆ្នាំ លើការវះកាត់ និងពិគ្រោះព្យាបាលអ្នកជំងឺ រហូតទៅដល់ 10,000ករណី!”

613185921 122240133398057747 4311689798503019724 N

គួរបញ្ជាក់ផងដែរថា បច្ចុប្បន្ននេះជំងឺដាច់សរសៃឈាមខួរក្បាល និងជំងឺខួរក្បាលផ្សេងៗទៀត កំពុងតែកើនឡើងជាបន្តបន្ទាប់ដែលវាជាកង្វល់សុខភាពមួយដ៏សំខាន់ទូទាំងពិភពលោកដែលអាចឈានទៅដល់ការបាត់បង់ជីវិត ប្រសិនបើមិនមាន ការជួយសង្គ្រោះទាន់ពេលវេលា។ មន្ទីរពេទ្យអន្តរជាតិ អរៀនដា បានបង្កើតផ្នែកវះកាត់ប្រព័ន្ធប្រសាទខួរក្បាលឡើងក្នុង គោលបំណងផ្តល់ការព្យាបាលប្រកបដោយ ប្រសិទ្ធភាពសម្រាប់ប្រជាជននៅក្នុងស្រុកដោយមិនចាំបាច់ចេញទៅក្រៅប្រទេស។

611170274 122240133692057747 4287033060196054851 N

ចំពោះលោកអ្នកដែលមានអាការៈដូចជា ឈឺក្បាល, វិលមុខ, ស្រវាំងភ្នែក (ធ្លាក់ចុះរបកគំហើញ), ហ៊ឹងត្រចៀកឬការស្តាប់ធ្លាក់ចុះ, ធ្លាក់មុខមួយចំហៀង, ពិបាកក្នុងការនិយាយ ឬនិយាយមិនច្បាស់, ទន់មួយចំហៀងខ្លួន, ស្លឹកមួយចំហៀងខ្លួន, ពិបាកក្នុងការដើរ ឬដើរគ្មានលំនឹង, បាត់បង់ការចងចាំឬការចងចាំចុះខ្សោយ, ឧស្សាហ៍ភន្ទ័ច្រលំ ឬ ងាយវង្វេង, ឧស្សាហ៍ឈ្លក់ក្នុងពេលបរិភោគអាហារ សុទ្ធតែជាអាការៈដែលបង្ហាញថាខួរក្បាលរបស់លោកអ្នកអាចនឹងមានបញ្ហាដែលទៀមទារ ឲ្យមកពិគ្រោះជាមួយវេជ្ជបណ្ឌិតឲ្យបានទាន់ពេលវេលា។