និយ័តករអាជីវកម្មអចលនវត្ថុនិងបញ្ចាំ (ន.អ.ប.) បានប្រកាសជូនសាធារណជនទាំងអស់មេត្តាជ្រាបថា៖ គម្រោងអភិវឌ្ឍលំនៅឋានចំនួន ១ ដូចមានឈ្មោះខាងក្រោម បាននិងកំពុងធ្វើអាជីវកម្មអភិវឌ្ឍលំនៅឋាន ដោយគ្មាន អាជ្ញាបណ្ណពី ន.អ.ប. នោះទេ។
១. សាលាកំរើក រ៉េស៊ីដេន នាមករណ៍ក្រុមហ៊ុនម៉ាយ វី ប្រធីធី ឯ.ក ទីតាំងគម្រោង គឺស្ថិតនៅ ភូមិសាលាកំរើក សង្កាត់សាលាកំរើក ក្រុងសៀមរាប ខេត្តសៀមរាប។
គូសបញ្ជាក់ថា ដូចនេះ សូមសាធារណជនទាំងអស់កុំចូលរួមធ្វើអាជីវកម្ម ឬពាក់ព័ន្ធជាមួយនឹងគម្រោងខាងលើ ដែលអាច ធ្វើឱ្យប៉ះពាល់ ឬខាតបង់ផលប្រយោជន៍ណាមួយជាយថាហេតុ។អាស្រ័យដូចបានជម្រាបជូនខាងលើ សូមសាធារណជនមេត្តាជ្រាបជាព័ត៌មាន និងមានការប្រុងប្រយ័ត្ន ខ្ពស់បំផុត។
