ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានប្រោសព្រះរាជទានត្រាស់បង្គាប់ផ្តល់គោរមងារ «ឧកញ៉ា» ជូនដល់បុគ្គល ៤ រូប។ ដោយការផ្ដល់គោរមងារនេះ គឺតបតាមសេចក្ដីក្រាបបង្គំទូលថ្វាយរបស់សម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា។
យោងតាមព្រះរាជក្រឹត្យចុះថ្ងៃទី២២ ខែកុម្ភៈ ឆ្នាំ២០២៥ បុគ្គលទាំង ៤ រូបដែលត្រូវបានផ្ដល់គោរមងារជា «ឧកញ៉ា» មានដូចខាងក្រោម៖
១. លោកបណ្ឌិត ហោ សេរីវឌ្ឍន៍ ប្រធានក្រុមប្រឹក្សាភិបាល ក្រុមហ៊ុន អាយឌី ឃែភីថល ម.ក (ID Capital Plc.), ប្រធានសមាគមវិនិយោគិន នវានុវត្តន៍ និងអភិវឌ្ឍន៍ ID Investors Association (IDI) និងជាប្រធានសម្ព័ន្ធសេដ្ឋកិច្ចក្រៅប្រព័ន្ធ IEL។
២. លោក សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា និងជាស្ថាបនិកក្រុមហ៊ុន KH25 Property Co., Ltd។
៣. លោក ជា មុនី
៤. លោកស្រី តាំង លីផេង អគ្គនាយិកាប្រតិបត្តិ ក្រុមហ៊ុន Advanced Glory Logistics (Cambodia) Co., Ltd.៕
