ភ្នំពេញ ថ្ងៃទី ០៣ ខែវិច្ឆិកា ឆ្នាំ ២០២៦ – ក្រុមហ៊ុន អូស៊ីអាយស៊ី (OCIC) បានទទួលពានរង្វាន់កិត្តិយសជា ក្រុមហ៊ុនអភិវឌ្ឍន៍អចលនទ្រព្យឆ្នើមប្រចាំឆ្នាំ (Developer of the Year) រួមជាមួយពានរង្វាន់ចំនួន ៦ ផ្សេងទៀត នៅក្នុងកម្មវិធី Cambodia Real Estate Awards 2026 ។ កម្មវិធីនេះរៀបចំឡើងដោយ Realestate.com.kh នៅសណ្ឋាគារ Hyatt Regency Phnom Penh។
ពានរង្វាន់ទាំង ៧ ដែលក្រុមហ៊ុន OCIC ទទួលបានរួមមាន៖
១. OCIC Group – ក្រុមហ៊ុនអភិវឌ្ឍន៍អចលនទ្រព្យប្រចាំឆ្នាំ (Developer of the Year)
២. TIA City – សហគមន៍អភិវឌ្ឍថ្មីប្រចាំឆ្នាំ (New District of the Year)
៣. Diamond Bay Garden – គម្រោងអភិវឌ្ឍន៍លំនៅឋានមាត់ទន្លេប្រចាំឆ្នាំ (Riverfront Development of the Year)
៤. Norea City – គម្រោងអភិវឌ្ឍទីក្រុងប្រចាំឆ្នាំ (Township Development of the Year)
៥. Koh Pich – គោលដៅព្រឹត្តិការណ៍ និងសហគមន៍ប្រចាំឆ្នាំ (Event and Community Destination of the Year)
៦. Chroy Changvar Bay – សហគមន៍អភិវឌ្ឍចម្រុះប្រចាំឆ្នាំ (Mixed-Use District of the Year)
៧. B&V Mansion – គម្រោងអភិវឌ្ឍន៍លំនៅឋានឆ្លាតវៃប្រចាំឆ្នាំ (Smart Living Development of the Year)
តំបន់សហគមន៏ថ្មីមួយនៅជាប់នឹងអាកាសយានដ្ឋានអន្តរជាតិតេជោ
គម្រោង ធី អាយ អេ ស៊ីធី (TIA City) ត្រូវបានជ្រើសរើសជា «សហគមន៍អភិវឌ្ឍថ្មីប្រចាំឆ្នាំ» (New District of the Year)។ តំបន់នេះកំពុងត្រូវបានអភិវឌ្ឍនៅភាគខាងត្បូងរាជធានីភ្នំពេញ ក្បែរអាកាសយានដ្ឋានអន្តរជាតិតេជោ និងស្ថិតនៅតាមបណ្តោយផ្លូវសំខាន់ឆ្ពោះទៅកាន់អាកាសយានដ្ឋាននេះ។
តំបន់នេះរួមបញ្ចូលទាំងលំនៅឋាន ពាណិជ្ជកម្ម និងសេវាកម្មផ្សេងៗ។ អាកាសយានដ្ឋាននេះត្រូវបានរំពឹងថានឹងជួយគាំទ្រដល់វិស័យទេសចរណ៍ ពាណិជ្ជកម្ម ភស្តុភារកម្ម និងធុរកិច្ច។
កោះពេជ្រ៖ ទីកន្លែងសម្រាប់អាជីវកម្ម ព្រឹត្តិការណ៍ និងសហគមន៍
កោះពេជ្រ ទទួលបានពានរង្វាន់ជា «គោលដៅព្រឹត្តិការណ៍ និងសហគមន៍ប្រចាំឆ្នាំ» (Event and Community Destination of the Year)។ តំបន់នេះបានវិវត្តពីតំបន់ទីក្រុងថ្មីមួយ ទៅជាទីតាំងសំខាន់មួយក្នុងរាជធានីភ្នំពេញ សម្រាប់វិស័យអាជីវកម្ម ការអប់រំ បដិសណ្ឋារកិច្ច ការកម្សាន្ត និងព្រឹត្តិការណ៍សាធារណៈនានា។
ពានរង្វាន់នេះត្រូវបានប្រគល់ជូននៅចំពេលដែលកោះពេជ្រកំពុងត្រៀមខ្លួនស្វាគមន៍គណៈប្រតិភូអន្តរជាតិ ក្នុងអំឡុងពេលកិច្ចប្រជុំកំពូលហ្រ្វង់កូហ្វូនី (Francophonie) លើកទី២០។ ចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា មជ្ឈមណ្ឌលតាំងពិព័រណ៍កោះពេជ្រ (Koh Pich Expo) នឹងរៀបចំព្រឹត្តិការណ៍ ហ្រ្វង់កូតិច (FrancoTech 2026) ដែលនឹងប្រមូលផ្តុំស្ថាប័ន ក្រុមហ៊ុន អ្នកវិនិយោគ និងក្រុមហ៊ុនធុរកិច្ចថ្មី (start-ups) មកពីប្រទេសកម្ពុជា និងបណ្តាប្រទេសដែលប្រើប្រាស់ភាសាបារាំង។ ព្រឹត្តិការណ៍ផ្សេងទៀតដែលស្ថិតក្នុងក្របខ័ណ្ឌ Francophonie ក៏នឹងប្រព្រឹត្តទៅនៅ Innovation Lab ក្នុងអគារ Connexion និងនៅសួនកម្សាន្ត Coconut Park ផងដែរ។
លោក Thierry Tea អនុប្រធានក្រុមហ៊ុន OCIC បានមានប្រសាសន៍ថា៖ «ការទទួលស្គាល់នេះគឺ សម្រាប់មនុស្សជាច្រើន រួមមាន៖ ស្ថាបនិករបស់យើង ក្រុមការងាររបស់យើង ដៃគូរបស់យើង និងអ្នកអភិវឌ្ឍន៍ទាំងអស់ដែលបានវិនិយោគនៅក្នុងប្រទេសកម្ពុជា។ វឌ្ឍនភាពរបស់កម្ពុជាមិនមែនជាសមិទ្ធផលរបស់ក្រុមហ៊ុនអភិវឌ្ឍន៍ណាមួយតែប៉ុណ្ណោះទេ។ យើងនឹងបន្តវិនិយោគលើសហគម៍របស់យើង និងលើមនុស្សជំនាន់ក្រោយ ហើយយើងនឹងបន្តកសាងប្រទេសកម្ពុជាឱ្យកាន់តែប្រសើរឡើង មិនមែនធ្វើដោយឡែកពីគ្នានោះទេ ប៉ុន្តែគឺធ្វើរួមគ្នា។»
គម្រោងចំនួន ៤ បន្ថែមទៀតទទួលបានការទទួលស្គាល់
ជ្រោយចង្វារបេយ៍ ត្រូវបានជ្រើសរើសជា «សហគមន៍អភិវឌ្ឍចម្រុះប្រចាំឆ្នាំ » (Mixed-Use District of the Year) ដោយសារតែការរួមបញ្ចូលគ្នានូវទីតាំងសម្រាប់លំនៅឋាន ពាណិជ្ជកម្ម ការអប់រំ និងកន្លែងកម្សាន្ត។ មជ្ឈមណ្ឌលសន្និបាត OCIC ដែលស្ថិតនៅក្នុងតំបន់ជ្រោយចង្វារ នឹងក្លាយជាទីតាំងរៀបចំកិច្ចប្រជុំកំពូល Francophonie លើកទី ២០ នៅថ្ងៃទី ១៥-១៦ ខែវិច្ឆិកា ឆ្នាំ ២០២៦។
គម្រោង ទីក្រុង នរា (Norea City) ទទួលបានពានរង្វាន់ «គម្រោងអភិវឌ្ឍទីក្រុងប្រចាំឆ្នាំ» (Township Development of the Year) ដែលជាតំបន់ទីក្រុងថ្មីមួយស្ថិតនៅខាងកើតនៃទន្លេបាសាក់។ គម្រោង Diamond Bay Garden នៅកោះពេជ្រ បានឈ្នះពានរង្វាន់ «គម្រោងអភិវឌ្ឍន៍លំនៅឋានមាត់ទន្លេប្រចាំឆ្នាំ» (Riverfront Development of the Year) ចំណែកឯគម្រោង B&V Mansion ទទួលបានពានរង្វាន់ «គម្រោងអភិវឌ្ឍន៍លំនៅឋានឆ្លាតវៃប្រចាំឆ្នាំ» (Smart Living Development of the Year)។ ពានរង្វាន់ទាំងនេះគ្របដណ្តប់លើគម្រោងនានាដែលស្ថិតក្នុងដំណាក់កាលផ្សេងៗគ្នា និងនៅតាមទីតាំងផ្សេងៗគ្នាក្នុងរាជធានី។
ពានរង្វាន់ទាំងនេះឆ្លុះបញ្ចាំងពីទស្សនវិស័យរបស់ក្រុមហ៊ុន OCIC ក្នុងការកសាងតំបន់ទីក្រុងដែលមានការតភ្ជាប់គ្នា និងហេដ្ឋារចនាសម្ព័ន្ធរយៈពេលវែង ដើម្បីរួមចំណែកដល់ការអភិវឌ្ឍរបស់ប្រទេសកម្ពុជា។ លើសពីនេះ OCIC ក៏បានវិនិយោគលើធនធានមនុស្សរបស់ខ្លួន ដោយពង្រឹងជំនាញ និងបណ្តុះបណ្តាលអ្នកដឹកនាំជំនាន់ក្រោយ សម្រាប់វិស័យអចលនទ្រព្យនៅកម្ពុជាផងដែរ។
