កំណាត់ចុងក្រោយផ្លូវជាតិលេខ៥ (សិរីសោភ័ណ-ប៉ោយប៉ែត) សម្រេចការសាងសង់បាន ៧០% ហើយ
Bunthoeun Koem•NOVEMBER 20 2026•12 views

កំណាត់ចុងក្រោយនៃផ្លូវជាតិលេខ៥ (សិរីសោភ័ណ-ប៉ោយប៉ែត) ខេត្តបន្ទាយមានជ័យ ដែលមានប្រវែងសរុប ៣៥,១៤ គីឡូម៉ែត្រ កំពុងបន្តសម្រុកអនុវត្តការដ្ឋានយ៉ាងមមាញឹក ដោយសម្រេចបានវឌ្ឍនភាពការងារជារួមប្រមាណ ៧០% ហើយ គិតត្រឹមពាក់កណ្តាលខែវិច្ឆិកា ឆ្នាំ២០២៦នេះ។ នេះបើយោងតាមការចេញផ្សាយដោយក្រសួងសាធារណការ និងដឹកជញ្ជូន កាលពីថ្ងៃទី១៩ ខែវិច្ឆិកា ឆ្នាំ២០២៦។

 

912575456 2331184324395257 7277890953791098679 N

 

កំណាត់ផ្លូវជាតិលេខ៥ (សិរីសោភ័ណ-ប៉ោយប៉ែត)  គឺជាកំណាត់ចុងក្រោយនៃគម្រោងស្តារ និងលើកកម្រិតគុណភាពផ្លូវជាតិលេខ៥ ដែលមានសារៈសំខាន់ក្នុងការលើកកម្ពស់គុណភាពហេដ្ឋារចនាសម្ព័ន្ធដឹកជញ្ជូន សម្រួលការធ្វើដំណើរ និងការដឹកជញ្ជូនទំនិញ គ្រោងនឹងបញ្ចប់ជាស្ថាពរនៅអំឡុងឆ្នាំ២០២៧ ខាងមុខ។

 

ទន្ទឹមនឹងការបន្តអនុវត្តការដ្ឋាន សូមអំពាវនាវដល់បងប្អូនប្រជាពលរដ្ឋ និងអ្នកប្រើប្រាស់ផ្លូវទាំងអស់ មេត្តាបង្កើនការប្រុងប្រយ័ត្នខ្ពស់ក្នុងពេលធ្វើដំណើរឆ្លងកាត់កំណាត់ផ្លូវនេះ ដោយបើកបរក្នុងល្បឿនសមស្របដែលអាចគ្រប់គ្រងបាន គោរពស្លាកសញ្ញាចរាចរណ៍ និងការណែនាំរបស់មន្ត្រីប្រចាំការដ្ឋាន ដើម្បីធានាសុវត្ថិភាពក្នុងការធ្វើដំណើរ កាត់បន្ថយហានិភ័យគ្រោះថ្នាក់ចរាចរណ៍ ព្រមទាំងចូលរួមកាត់បន្ថយការហុយដី ដែលអាចប៉ះពាល់ដល់ប្រជាពលរដ្ឋរស់នៅតាមបណ្តោយផ្លូវ។

 

912722879 1698253381958904 3734772851529533990 N

 

សូមជម្រាបថា គម្រោងធ្វើឱ្យប្រសើរឡើងផ្លូវជាតិលេខ ៥ (ផ្លូវអាស៊ានហាយវេលេខ១) គឺមានប្រវែង ៣៦៦ គីឡូម៉ែត្រ ឆ្លងកាត់ខេត្តកណ្តាល កំពង់ឆ្នាំង ពោធិ៍សាត់ បាត់ដំបង និងបន្ទាយមានជ័យ។ ផ្លូវមួយនេះ មានចំណុចចាប់ផ្ដើម ពីព្រែកក្តាម ខេត្តកណ្ដាល និងចំណុចបញ្ចប់ នៅក្រុងប៉ោយប៉ែត ខេត្តបន្ទាយមានជ័យ ហើយត្រូវបានបែងចែកចេញជា ៣ កំណាត់ គឺ៖ កំណាត់ទី១ ភាគខាងជើង (បាត់ដំបង-សិរីសោភ័ណ) កំណាត់ទី២ ភាគខាងត្បូង (ព្រែកក្តាម-ធ្លាម្អម) និងកំណាត់ទី៣ ភាគកណ្តាល (ធ្លាម្អម-បាត់ដំបង និងសិរីសោភ័ណ-ប៉ោយប៉ែត)៕

 

912062561 1614718549915573 650361272380827599 N

913589756 1672918764499120 899620041319554346 N

909182721 1464633798974550 2509045988042110730 N

Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2026 Baksey Media. All Rights Reserved.
Developed by: Technology Cambodia