ស្ងាត់ៗ ផ្លូវជាតិតម្លៃ៥០០លាន$សាងសង់ឆ្លងកាត់ខេត្ដ៥សម្រេចការសាងសង់ជិតរួចរាល់ហើយ
Bunthoeun KoemMARCH 21 20235.4 K views

បន្ទាប់ពីមានការសាងសង់យ៉ាងមមាញឹកពេលនេះផ្លូវជាតិលេខ៥ ដែលជាផ្លូវជាតិមានតម្លៃ៥០០លានដុល្លារតភ្ជាប់ពីខេត្តកណ្ដាល,ខេត្តកំពង់ឆ្នាំង, ខេត្តពោធិ៍សាត់, ខេត្តបាត់ដំបង, និងខេត្តបន្ទាយមានជ័យសម្រេចការសាងសង់ជិតរួចរាល់ហើយ។​ នេះបើយោងតាមការចេញផ្សាយរបស់ក្រសួងសាធារណការ និងដឹកជញ្ជូន កាលពីថ្ងៃទី២០ ខែមីនា ឆ្នាំ២០២៣។

ប្រភពខាងលើបានឱ្យដឹងថា ផ្លូវជាតិលេខ៥ នេះមានប្រវែង ៣៦៦ គីឡូម៉ែត្រកំពុងដំណើរការស្ថាបនាស្ទើររួចរាល់ទាំងស្រុង ខណៈផ្លូវនេះ ត្រូវបានបែកចែកជាបីភាគ រួមមាន៖

5443a633 Abcc 4652 864b E8f9b6983ad4

១.ភាគខាងត្បូង ពីព្រែកក្តាម ខេត្តកណ្ដាល ទៅដល់ធ្លាម្អម ខេត្តពោធិ៍សាត់ មានប្រវែងសរុប ១៣៥,២៥ គីឡូម៉ែត្រ សម្រេចបាន ៩៨%

២.  ភាគកណ្តាលធ្លាម្អម-បាត់ដំបង និងសិរីសោភ័ណ-ប៉ោយប៉ែត មានប្រវែងសរុប ១៤៦,០៤ គីឡូម៉ែត្រសម្រេចបាន ៦៩%

៣. ភាគខាងជើង ពីបាត់ដំបង-សិរីសោភ័ណ មានប្រវែងសរុប ៨៤,៧៤ គីឡូម៉ែត្រ សម្រេចរួចរាល់១០០%ហើយ។

សូមជម្រាបថាទោះយ៉ាងណាក្តី ផ្លូវជាតិលេខ៥ កំណាត់ចុងក្រោយពីសិរីសោភ័ណ-ប៉ោយប៉ែត ដែលមានប្រវែង ៣៥គីឡូម៉ែត្រ នឹងបញ្ចប់ការសាងសង់នៅក្នុងឆ្នាំ២០២៥ ខាងមុខ ខណៈសព្វថ្ងៃនេះការដ្ឋានសាងសង់និងពង្រីកកំណាត់ផ្លូវនេះកំពុងដំណើរការទៅជាធម្មតា។ ក្នុងនោះក្រសួងបានបញ្ជាក់ថា កំណត់ផ្លូវចុងក្រោយនេះសាងសង់យឺតជាងកំណត់ផ្លូវផ្សេងទៀត ដោយសារទើបតែត្រូវបានដាក់ដេញថ្លៃ ហើយចាប់ផ្ដើមសាងសង់ក្រោយគេ ។​​

គួរបញ្ជាក់ផងដែរថា គម្រោងផ្លូវជាតិលេខ៥ ដែលមានប្រវែង៣៦៦គីឡូម៉ែត្រនេះបានទទួលកម្ចីឥណទានសម្បទានពីរដ្ឋាភិបាលជប៉ុន តាមរយៈទីភ្នាក់ ងារសហប្រតិបត្តិការអន្តរជាតិជប៉ុន ប្រចាំកម្ពុជា៕

អត្ថបទដោយ៖ ឌឿក ស្រី នុត

អត្ថបទពេញនិយមប្រចាំខែ
អត្ថបទថ្មីៗ
Footer Background
ស្វែងយល់អំពីពួកយើង
sam.businesscambodia@gmail.com
អត្ថបទផ្សេងៗ
ទំនាក់ទំនងមកពួកយើង
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia